«اللانىڭ قاھارىنا ۇشىراپ كەتپە»: ەر ادامداردى تەك جىنىستىق قاتىناس ءۇشىن ۇيلەنەتىنىن ايتقان بلوگەر سىنعا قالدى

اسيا ەسىمدى بلوگەر وڭتۇستىكتىڭ قىزدارى تۋرالى وتكىر پىكىر ايتتى. بۇل تۋرالى Qandastar.kz اقپارات پورتالى Caravan.kz مەديا پورتالىنا سىلتەمە جاساپ حابارلايدى.

ءوزىن حيدجاما مامانى رەتىندە تانىستىراتىن بلوگەردىڭ سوزىنشە, ەلىمىزدىڭ وڭتۇستىك ءوڭىرىنىڭ بويجەتكەندەرى تەك ءۇي قىزمەتشى بولۋ ءۇشىن تۇرمىسقا شىعاتىن كورىنەدى.

”وڭتۇستىكتىڭ, اسىرەسە شىمكەنتتىڭ قىزدارى كۇيەۋگە ءۇي قىزمەتشى بولۋ ءۇشىن تيەدى-اۋ دەيمىن. سەبەبى, ءبارى “كەلىن دەگەن قۇل ەمەس” دەپ شاعىمدانىپ جاتادى. بىراق كوپ ايەلدەر كۇيەۋگە ءتيۋىن ءتيىپ الادى دا, كۇيەۋىنىڭ قاسىنا جاتقىسى كەلمەيدى. تىرلىگىن ىستەپ جۇرە بەرەدى. كىرىن جۋىپ, بالا-شاعاسىن جايعاستىرىپ, ىدىسىن جۋىپ, انانى ىستەپ, مىنانى ىستەپ, كۇيەۋىم تەزىرەك ۇيىقتاپ قالسا ەكەن, جاتىن بولمەگە سوسىن كىرەمىن دەپ وزدەرى قاشىپ جۇرەدى. نەگىزى قىزدار كۇيەۋگە تەك عانا سول جىنىستىق قاتىناس ءۇشىن عانا تيەدى. باسقا ەشنارسە ءۇشىن ەمەس. بالا تۋ ءۇشىن ەمەس. بالانى اللاھ بەرسە تۋاسىڭ, بەرمەسە, تۋمايسىڭ. ءۇي, كولىك الۋ, قىدىرۋ, تاماق ىستەۋ ءۇشىن ەمەس. ەركەككە ونىڭ ەشقايسىسى كەرەك ەمەس. قىدىراتىن بولسا, دوستارىمەن قىدىرا بەرەدى. تاماق جەگىسى كەلسە, دامحاناعا بارا سالادى. كىرىن كىر جۋاتىن ماشينا جۋادى. ال ايەلدى ەركەك نە ءۇشىن الادى? سول جىنىستىق قاتىناس ءۇشىن. ءوزىنىڭ قۋانىشى, جانىنىڭ تىنىشتىعى ءۇشىن الادى. ال ايەلدەر سودان قاشادى عوي. ايەلدەن تىرلىك ىستەۋ ءۇشىن عانا كۇيەۋگە تيەدى دەگەن تۇجىرىمعا كەلدىم. پراكتيكامدا پروتسەدۋراعا كەلگەن ايەلدەردىڭ ءبارى “مەن كۇيەۋىمە بەرمەي قويدىم” دەيدى. مىندەت قوي ولاردىكى. ول ەشتەڭە جوعالتپايدى. ول قالاسا, ول نارسەنى باسقا جاقتان الا سالادى. بۇل جەردە سەن جوعالتاسىڭ. سەنىڭ پسيحيلوگيالىق, فيزيولوگيالىق دەنساۋلىعىڭ ءۇشىن ول نارسە كەرەك”, — دەيدى ول.

جەلىدە قىزۋ تالقىلانىپ جاتقان ۆيدەوعا ءتۇرلى پىكىرلەر جازىلۋدا.

”اللانىڭ قاھارىنا ۇشىراپ كەتپە”, “ورانىپ الىپ ءتۇرلى اڭگىمە ايتا بەرەتىن بولدى عوي”, “ونداي ايەلدەر وڭتۇستىكتە عانا ەمەس, بۇكىل ەلدە بار. شىمكەنت دەگەندەرىڭدى قويىڭدارشى”, — دەپ جازدى ولار.