«Allanyń qaharyna ushyrap ketpe»: Er adamdardy tek jynystyq qatynas úshin úılenetinin aıtqan bloger synǵa qaldy

Asııa esimdi bloger ońtústiktiń qyzdary týraly ótkir pikir aıtty. Bul týraly Qandastar.kz aqparat portaly Caravan.kz medıa portalyna silteme jasap habarlaıdy.

О́zin hıdjama mamany retinde tanystyratyn blogerdiń sózinshe, elimizdiń ońtústik óńiriniń boıjetkenderi tek úı qyzmetshi bolý úshin turmysqa shyǵatyn kórinedi.

”Ońtústiktiń, ásirese Shymkenttiń qyzdary kúıeýge úı qyzmetshi bolý úshin tıedi-aý deımin. Sebebi, bári “kelin degen qul emes” dep shaǵymdanyp jatady. Biraq kóp áıelder kúıeýge tııýin tıip alady da, kúıeýiniń qasyna jatqysy kelmeıdi. Tirligin istep júre beredi. Kirin jýyp, bala-shaǵasyn jaıǵastyryp, ydysyn jýyp, anany istep, mynany istep, kúıeýim tezirek uıyqtap qalsa eken, jatyn bólmege sosyn kiremin dep ózderi qashyp júredi. Negizi qyzdar kúıeýge tek ǵana sol jynystyq qatynas úshin ǵana tıedi. Basqa eshnárse úshin emes. Bala týý úshin emes. Balany Allah berse týasyń, bermese, týmaısyń. Úı, kólik alý, qydyrý, tamaq isteý úshin emes. Erkekke onyń eshqaısysy kerek emes. Qydyratyn bolsa, dostarymen qydyra beredi. Tamaq jegisi kelse, dámhanaǵa bara salady. Kirin kir jýatyn mashına jýady. Al áıeldi erkek ne úshin alady? Sol jynystyq qatynas úshin. О́ziniń qýanyshy, janynyń tynyshtyǵy úshin alady. Al áıelder sodan qashady ǵoı. Áıelden tirlik isteý úshin ǵana kúıeýge tıedi degen tujyrymǵa keldim. Praktıkamda proedýraǵa kelgen áıelderdiń bári “men kúıeýime bermeı qoıdym” deıdi. Mindet qoı olardiki. Ol eshteńe joǵaltpaıdy. Ol qalasa, ol nárseni basqa jaqtan ala salady. Bul jerde sen joǵaltasyń. Seniń psıhılogııalyq, fızıologııalyq densaýlyǵyń úshin ol nárse kerek”, — deıdi ol.

Jelide qyzý talqylanyp jatqan vıdeoǵa túrli pikirler jazylýda.

”Allanyń qaharyna ushyrap ketpe”, “Oranyp alyp túrli áńgime aıta beretin boldy ǵoı”, “Ondaı áıelder ońtústikte ǵana emes, búkil elde bar. Shymkent degenderińdi qoıyńdarshy”, — dep jazdy olar.