«Allanyń qalaýymen dep aıtýǵa tyıym salynbaǵan»: Jýrnalıst sportshylarǵa býllıng jasaýdy doǵarýǵa shaqyrdy

Foto: Salı Sabırov / vesti.kz

Jýrnalıst Jalǵas Sańǵyl sportshylardy dini men senimin aıshyqtaıtyn sózderi men áreketterine bol jazǵyrǵandardy aıyptady, dep habarlaıdy qandastar.kz.

Skifnews.kz aqparat portaly jazǵandaı, ol órkenıetti elderde sportshyny dinine qaraı shettetpeıtinin nemese eshkimniń óz qalaýynsha dinin aıshyqtap, erkin kórsetýine shekteý keltirmeıtinin jazdy. Sondaı-aq ol «Allanyń qalaýy» degen sportshynyń sózine shúılikkenderge myń jyldan asa musylman bolǵan elimizdiń tarıhynan bas tarta ma dep saýal qoıdy.

Sportshylarǵa býllıng jasaý toqtatylsyn…

«#Lıverpýl» myqtysy Muhammed Salah  #gol soqqan saıyn sájde jasaıdy. Alpaýyt Uly-Brıtanııa tórinde. Hrıstıandar elinde! Biraq, oǵan Islamdy nasıhattadyń -dep aıyptaǵan aǵylshyndy kórmedik.

Ár «boıǵa» «Bissimillásin» aıtyp shyǵatyn ańyz  #Habıb Nurmuhammedov te duǵa jasaıdy. Qajyǵa barady. Reseılik! Amerıkada atoı salady. Biraq, saqaly bar, murty joq –dep oǵan tıisken ne orysty, ne amerıkalyqty  estimedik.

Boks ańyzdary Muhammed Álı men #Taıson da musylman edi..

Kúni keshe #Eýro-nyń  tórinde, órkenıettiń órinde otyrǵan #Germanııa quramasynyń NEGIZGI quramynda #Rıýdıger, Sane, #Gúndoǵan, Emre Jan, #Jamal sııaqty musylmandar oınady. Biraq, oǵan nemister shala búlinip, tildep, kúndep aramter bolmaǵany anyq!..

Biz de sondaı keń edik: Shekaranyń arǵy jaǵynan legıoner de  shaqyrdyq. Aqsha berdik, aıamadyq, shashyldyq. Svetlana men Manezanyń altynyna maqtandyq,  #Ilın  men Chınshanlonyń jeńisine shattandyq. Dinine de, túrine de qaramadyq. О́nerin baǵaladyq. #Rahımov, Mýtalımov, Gadjıev, #Tıgıev  degender taǵy boldy.  Sońǵylary saqaldy ed)  Eshqaısyn bóle jarmadyq,  mártebesin asyrdyq, qurmet – qoshemetke batyrdyq.

Bulardyń basym bóligi keıinnen dopıng úshin medalinen  aıyrylyp qaldy…

Endi #Olımpıada-da altyn alǵan qazaq balasy  – Allanyń qalaýy ǵoı, -dese nesi aıyp???

Myń jyldan asa musylman bolǵan, Túrki dalasynda Qarahan sekildi #Islam  memleketin qurǵan, #Altyn Ordasy sharıǵatpen basqarylǵan, Áz Táýkesi «Jeti jarǵyny» sharıǵat boıynsha jazǵan túrkilerdiń murageri biz emes pe? #Ál Farabı, Iúgúnekı, Balasaǵunı, Syǵanaqı, Iassaýılerden de, bezinesińder ma? Musylman bolǵan,  saqaldy dep…

Qazaqtyń musylman bolǵanyn aıǵaqtap turǵan  #Iasaýı, Arystan bab, #Qarahan, pir Beket, Saıramdaǵy sansyz bap, Tekturmas, Qarabýra,  shashty Áziz sııaqty áýlıelerdi qaıtesińder? Qazaqtyń búkil handary, batyrlary musylman bolǵan. Ony ne isteısińder al? Allanyń ózi de  ras, sózi de ras  – degen #Abaı-dy  qaıda qoıamyz?

Kózin ashqannan «Qudaı qalasa», «Alla qalasa» – dep ósken qazaq balasyn Allanyń qalaýy –dep aıtqany úshin jerden alyp, jerge salý – kimniń baǵy, kimniń sory? Bul ne arandatý? О́kpesimen qabynyp, ótimenen jarylyp ójektep, óńmeńdegishterdń  ar jaǵynda kim tur, ne jatyr?

Jeńgendi  de, jeńilgendi olaı talaýǵa eshkimniń haqysy joq!

Eldos pen #Asylanbek báribir bıikte turady!

Psevdodemokrat bolmasańdar zańǵa baǵynyńdar. Bizde musylman bolýǵa, ıakı, Allanyń qalaýymen -dep  aıtýǵa eshqandaı tyıym salynbaǵan. Kerisinshe, bireýdiń senimine tıisý – konstıtýııaǵa qaıshy!

О́rkenıetti elderde de solaı! – dep jazdy jýrnalıst áleýmettik jelide.