جاڭالىقتار
«اللانىڭ قالاۋىمەن ءۇيلى بولدىڭىزدار»: ماسكاداعى ادام باسپاناسىن سۋ العان 34 وتباسىنا ءۇي بەردى
فوتو: ۆيدەودان سكرين
ماسكاداعى بەلگىسىز ادام جەلىدەگى پاراقشاسىندا بيىل كوكتەمدە سۋ تاسقىنىنان زارداپ شەككەن 34 وتباسىعا باسپانا بەرگەنى تۋرالى جاريا ەتتى. بۇل qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ۆيدەو Instagram جەلىسىندەگى سhelovekvmaskee پاراقشاسىندا جاريالاندى.
«كەشىرىڭىز, اپا. سىزدەر سۋدان زارداپ شەكتىڭىزدەر عوي!? رۇقسات بولسا, اللانىڭ قالاۋىمەن سىزدەر ءۇيلى بولدىڭىزدار», – دەيدى ۆيدەودا جومارت جىگىت.
سونىمەن قاتار ول باسپانا قاي وڭىرلەردىڭ تۇرعىندارىنا بەرىلگەنىن اتاپ ءوتتى.
«سۋ تاسقىنىنان زارداپ شەككەن 34 وتباسى باسپانالى بولدى. ءبىز سىزدەرمەن بىرلەسىپ, 1 ملن دوللاردى سۋ تاسقىنىنان زارداپ شەككەن قازاقستاننىڭ ءار وڭىرىنە ۇلەستىردىك. باتىس قازاقستان وبلىسى, اقتوبە وبلىسى, اتىراۋ وبلىسى, قوستاناي وبلىسى, سولتۇستىك قازاقستان وبلىسى», – دەدى ول.
