جاڭالىقتارمادەنيەت
الماس كىشكەنباەۆقا قاتىستى سوت شەشىمى شىقتى
فوتو:ينستاگرام
الماس كىشكەنباەۆقا قاتىستى سوت شەشىمى شىقتى, دەپ جازدى qandastar.kz
الماتىداعى مامانداندىرىلعان اۋدانارالىق سوت تانىمال ءانشى الماس كىشكەنباەۆقا قاتىستى ءىستى قاراپ, ونى 15 تاۋلىككە قاماۋ تۋرالى شەشىم شىعاردى. سوت مالىمەتىنشە, 40 جاستاعى كىشكەنباەۆ 17 جاسار جاسوسپىرىمگە ءتيىستى دەپ ايىپتالعان. پروتسەس جابىق رەجيمدە ءوتتى. رەسمي اقپاراتقا سۇيەنسەك, ءانشى ماس بولعان جانە جابىرلەنۋشىنىڭ ايتۋىنشا, وعان سىرا ۇسىنعان, كەيىننەن قورلايتىن ءىس-ارەكەتتەر جاساپ, تيىسە باستاعان.
سوت بارىسىندا كىشكەنباەۆ سول كۇنگى وقيعانىڭ ءمان-جايىن مۇلدە ۇمىتىپ قالعانىن العا تارتقان.
سۋديا ءىستى قاراۋ كەزىندە ءانشىنىڭ ارەكەتىنە كەڭشىلىك جاسامايتىنىن حابارلادى. كەرىسىنشە, ماس كۇيىندە زاڭ بۇزۋ جاۋاپكەرشىلىكتى اۋىرلاتاتىن فاكتور سانالادى. وسى سەبەپتى كىشكەنباەۆ 15 تاۋلىككە اكىمشىلىك قاماۋعا الىندى. شەشىم ءالى زاڭدى كۇشىنە ەنگەن جوق.
