JańalyqtarMádenıet
Almas Kishkenbaevqa qatysty sot sheshimi shyqty
Foto:ınstagram
Almas Kishkenbaevqa qatysty sot sheshimi shyqty, dep jazdy qandastar.kz
Almatydaǵy mamandandyrylǵan aýdanaralyq sot tanymal ánshi Almas Kishkenbaevqa qatysty isti qarap, ony 15 táýlikke qamaý týraly sheshim shyǵardy. Sot málimetinshe, 40 jastaǵy Kishkenbaev 17 jasar jasóspirimge tıisti dep aıyptalǵan. Proes jabyq rejımde ótti. Resmı aqparatqa súıensek, ánshi mas bolǵan jáne jábirlenýshiniń aıtýynsha, oǵan syra usynǵan, keıinnen qorlaıtyn is-áreketter jasap, tıise bastaǵan.
Sot barysynda Kishkenbaev sol kúngi oqıǵanyń mán-jaıyn múlde umytyp qalǵanyn alǵa tartqan.
Sýdıa isti qaraý kezinde ánshiniń áreketine keńshilik jasamaıtynyn habarlady. Kerisinshe, mas kúıinde zań buzý jaýapkershilikti aýyrlatatyn faktor sanalady. Osy sebepti Kishkenbaev 15 táýlikke ákimshilik qamaýǵa alyndy. Sheshim áli zańdy kúshine engen joq.
