جاڭالىقتار
الماس كىشكەنباەۆتىڭ سوتى قاشان وتەدى?
فوتو: @a.kishkenbaev
الماتىدا SuperStar KZ شوۋىنداعى جەڭىسىنەن كەيىن تانىمال بولعان ءانشى الماس كىشكەنباەۆتىڭ سوتى باسقا كۇنگە اۋىستىرىلدى, دەپ جازدى qandastar.kz
بۇعان دەيىن بۇل پروتسەسس جابىق ەسىك جاعدايىندا وتەتىنى حابارلانعان بولاتىن, سەبەبى جابىرلەنۋشى – ءجاسوسپىرىم بالا.
«سوت پروتسەسى كەيىنگە قالدىرىلدى, جابىق رەجيمدە وتۋىنە بايلانىستى ونىڭ سەبەبى بەيمالىم», – دەپ جەتكىزدى Zakon.kz تىلشىسىنە دۇيسەنبىدە الماتى قالالىق سوتىنىڭ ءباسپاسوز قىزمەتى.
ايتا كەتسەك, الماس كىشكەنباەۆقا قاتىستى جاعىمسىز جاعداي تۋرالى العاشقى اقپاراتتى جۋرناليست ميحايل كوزاچكوۆ Telegram-ارناسىندا جازدى. ونىڭ ايتۋىنشا, ءانشى ءۇش بوتەلكە سىرانى جەتكىزۋگە تاپسىرىس بەرگەن. تاپسىرىستى 2007 جىلى تۋىلعان كۋرەر-مەكتەپ وقۋشىسى ساعات 21: 00-دە ونىڭ پاتەرىنە جەتكىزگەن.
«17 جاستاعى بوزبالانىڭ ايتۋىنشا, 40 جاستاعى ەر ادام سىراعا تاپسىرىس بەرگەن. ول الكوگول سۋسىندى الىپ, سودان كەيىن كۋرەرگە ونى وزىمەن بىرگە ءىشۋدى ۇسىنعان. سونىمەن قاتار, وسى ساتتە ەر ادام 11-سىنىپ وقۋشىسىنىڭ ءينتيمدى جەرىنەن ۇستاۋعا تىرىسقان», دەپ جازدى جۋرناليست.
ءجاسوسپىرىم بىردەن ۇيىنە بارىپ, بولعان جايتتى اكەسىنە ايتىپ بەرەدى, ال ول ءوز كەزەگىندە الماس كىشكەنباەۆتىڭ ۇستىنەن قۇقىق قورعاۋ ورگاندارىنا شاعىمداندى.
31 قاڭتاردا ءىس الماتى قالاسىنىڭ اكىمشىلىك قۇقىق بۇزۋشىلىق جونىندەگى مامانداندىرىلعان اۋدانارالىق سوتىنىڭ وندىرىسىنە كەلىپ ءتۇستى. ءانشى قر اقبتك-ءنىڭ 434-بابىنىڭ 1-بولىگى («قوعامدىق ورىنداردا بالاعات سوزدەر ايتۋ, جەكە تۇلعالاردى قورلاۋ جانە باسقالارعا قۇرمەتسىزدىك بىلدىرەتىن, قوعامدىق ءتارتىپ پەن جەكە تۇلعالاردىڭ تىنىشتىعىن بۇزاتىن باسقا دا وسىنداي ارەكەتتەر») بويىنشا ايىپتالادى. ەگەر الماس كىشكەنباەۆتىڭ كىناسى دالەلدەنسە, وندا وعان 20 اەك (78 640 تەڭگە) مولشەرىندە ايىپپۇل سالىنادى نەمەسە 15 تاۋلىككە دەيىن قاماۋعا الىنادى.
