Almas Kishkenbaevtyń soty qashan ótedi?

Foto: @a.kishkenbaev

Almatyda SuperStar KZ shoýyndaǵy jeńisinen keıin tanymal bolǵan ánshi Almas Kishkenbaevtyń soty basqa kúnge aýystyryldy, dep jazdy qandastar.kz

Buǵan deıin bul proess jabyq esik jaǵdaıynda ótetini habarlanǵan bolatyn, sebebi jábirlenýshi – jasóspirim bala.

«Sot proesi keıinge qaldyryldy, jabyq rejımde ótýine baılanysty onyń sebebi beımálim», – dep jetkizdi Zakon.kz tilshisine dúısenbide Almaty qalalyq sotynyń baspasóz qyzmeti.

Aıta ketsek, Almas Kishkenbaevqa qatysty jaǵymsyz jaǵdaı týraly alǵashqy aqparatty jýrnalıst Mıhaıl Kozachkov Telegram-arnasynda jazdy. Onyń aıtýynsha, ánshi úsh bótelke syrany jetkizýge tapsyrys bergen. Tapsyrysty 2007 jyly týylǵan kýrer-mektep oqýshysy saǵat 21: 00-de onyń páterine jetkizgen.

«17 jastaǵy bozbalanyń aıtýynsha, 40 jastaǵy er adam syraǵa tapsyrys bergen. Ol alkogol sýsyndy alyp, sodan keıin kýrerge ony ózimen birge ishýdi usynǵan. Sonymen qatar, osy sátte er adam 11-synyp oqýshysynyń ıntımdi jerinen ustaýǵa tyrysqan», dep jazdy jýrnalıst.

Jasóspirim birden úıine baryp, bolǵan jaıtty ákesine aıtyp beredi, al ol óz kezeginde Almas Kishkenbaevtyń ústinen quqyq qorǵaý organdaryna shaǵymdandy.

31 qańtarda is Almaty qalasynyń ákimshilik quqyq buzýshylyq jónindegi mamandandyrylǵan aýdanaralyq sotynyń óndirisine kelip tústi. Ánshi QR ÁQBtK-niń 434-babynyń 1-bóligi («Qoǵamdyq oryndarda balaǵat sózder aıtý, jeke tulǵalardy qorlaý jáne basqalarǵa qurmetsizdik bildiretin, qoǵamdyq tártip pen jeke tulǵalardyń tynyshtyǵyn buzatyn basqa da osyndaı áreketter») boıynsha aıyptalady. Eger Almas Kishkenbaevtyń kinási dáleldense, onda oǵan 20 AEK (78 640 teńge) mólsherinde aıyppul salynady nemese 15 táýlikke deıin qamaýǵa alynady.