Almas О́teshov: Kúızelisten ózimdi darǵa astym

Aýyr atletıkadan álem chempıonatynyń kúmis júldegeri Almas О́teshov «Ýaqyt kórsetedi» Youtube-jobasyna bergen suhbatynda óz-ózine qol jumsamaq bolǵanyn moıyndady, – dep habarlaıdy Massaget.kz tilshisi.

Burynǵy sportshynyń sózinshe, ol bul ýaqytta áıelimen ajyrasyp, baspasynda jalǵyz qalǵan.

«Negizi jan berý degen ońaı emes eken. О́mirden túńilip kettim. Meniń óz-ózimdi darǵa astym. Memleket syılaǵan 2 bólmeli úıde boldym, ajyrasqan ýaqytym, menen basqa eshkim joq, kelinshegim bári ketip qalǵan. Birinshi bazarǵa baryp arqan satyp alyp keldim. Internetten qalaı darǵa asý keregin kórip aldym. Vannadaǵy tóbege jipti baılap, bárin daıyndadym da, ǵusyl dáret aldym. Alladan keshirim suradym, arqandy moınyma salǵan boıda, otyryp qaldym. Arqan moınymdy qysqan kezde butyma jiberip qoıdym. Ońaı emes eken. Bir ýaqytta aıaǵymnyń saýsaqtarynyń ushy jerge tıgenin sezdim, julqynyp, arqandy moınymnan sheshim tastadym. Ter degen burq ete qaldy. «Astaǵfırýllah, astaǵfırýllah, o qudaıym, keshirge gór, keshire gór» dep otyrdym. Qudaı saqtasyn, endi mundaı is-áreketke barmaımyn», – dedi ol.