Almas О́teshov jańa qyzmetke taǵaıyndaldy

Aýyr atletıkadan QR Eńbek sińirgen sport sheberi, 2 dúrkin Álem chempıonatynyń kúmis júldegeri, Azııa oıyndarynyń kúmis júldegeri Almas О́teshov jańa qyzmetke taǵaıyndaldy, dep habarlady qandastar.kz

Bul týraly Qyzylorda oblysynyń dene shynyqtyrý, sport jáne týrızm basqarmasynyń resmı paraqshasynda jarııalandy.

«Qyzylorda oblysynyń dene shynyqtyrý, sport jáne týrızm basqarmasynyń basshysy B.Artaevtyń buıryǵyna sáıkes, 12 maýsymnan bastap О́teshov Almas Dáýletıaruly basqarmaǵa qarasty “Olımpıadalyq rezerv daıarlaý ortalyǵy” KMM dırektorynyń orynbasary qyzmetine taǵaıyndaldy. Almas Dáýletıaruly — Aýyr atletıkadan QR Eńbek sińirgen sport sheberi, aýyr atletıkadan 2 dúrkin Álem chempıonatynyń kúmis júldegeri, Azııa oıyndarynyń kúmis júldegeri, Azııa chempıony. Osy ýaqytqa deıin ıaǵnı bes aıǵa jýyq basqarmaǵa qarasty “Muz aıdyny” mekemesinde ádisker bolyp qyzmet atqardy. Almas Dáýletıarulyn jańa qyzmetimen quttyqtaımyz!», — delingen basqarma habarlamasynda.