Almasbek Sadyrbaı Aýyl sharýashylyǵy mınıstri bolýǵa laıyq adamdardyń atyn atady

Foto: ashyq derekkóz

«Shańyraq» ulttyq agro-qozǵalysy» RQB tóraǵasy Almasbek Sadyrbaı Adal ADAM youtube arnasyna bergen suhbatynda aýyl sharýashylyǵy mınıstri bolýǵa kimder laıyq ekenin aıtty, dep jazady qandastar.kz

«Ábirqaıyr Tamabek (búginde Jambyl oblysy ákiminiń orynbasary) aýyl sharýashylyǵy mınıstri bolýǵa laıyqty. Sol sııaqty óńirlerde biraz azamattar bar. Senatta Arman О́teǵulov degen myqty azamat bar. Bilimdi. Veterınarııa komıtetin basqarǵan. Májiliste Bolatbek Najmetdınuly bar. Isker, memlekettik qyzmette de istegen. Alma baqpen aınalysqan. Bul azamattardyń bir basty qasıeti – tyńdaı biledi. Olardyń árqaısymen keıbir máselede kelispeı, qyzylkeńirdek bolyp, shaıqasqanbyz. Sońynda ymyraǵa keletinbiz. Argýmentterin dáleldeı biletin. Bir-birimizdiń qatelikterimizdi moıyndaı biletinbiz. Al Aıdarbek Saparovta ondaı qasıet joq. Qazaqtyń jalpaq sózimen aıtqanda ol dońyz minez, bir moıyn. «Bitti, men osylaı sheshtim, boldy» deıdi», – dedi Almasbek Sadyrbaı.
Sondaı-aq ol Aıdarbek Saparov Memleket basshysynyń atyna kir keltirip jatyr dep esepteıdi.

«Aýyl sharýashylyq mınıstri Aıdarbek Saparov Memleket basshysyna degen halyqtyń senimin ketirip jatyr. Onyń artynan sóz erttirip, kir keltirip jatyr», – dedi A.Sadyrbaı.