Almasbek Sadyrbaıdy qamaýǵa aldy

Foto: ashyq derekkóz

Qarjy monıtorıngi agenttiginiń habarlaýynsha, «Shańyraq» qoǵamdyq birlestiginiń basshysy Sadyrbaı ózi basqaratyn adamdar toby Balqash, Eńbekshiqazaq, Kegen, Raıymbek jáne Uıǵyr aýdandarynda jalǵan aýyl sharýashylyǵy kooperatıvterin qurdy dep kúdiktelýde, dep jazady qandastar.kz

Negizgi maqsat – usaq maldyń analyq basyn uryqtandyrýǵa sýbsıdııalardy zańsyz alý jáne jemshóp shyǵyndaryn óteý. Bul úshin zańnamaǵa qaıshy aýylsharýashylyq jerleri joq sharýa qojalyqtary tartyldy.

Budan ári jalǵan kadastrlyq nómirlerdi kórsete otyryp, dáıeksiz málimetterdi qamtıtyn sýbsıdııalar alýǵa ótinimder qashyqtan berildi.

Bul rette aýyl sharýashylyǵy kooperatıvteri basshylaryn habardar etpeı, olardyń EQ-sy paıdalanyldy.

Osylaısha 1,2 mlrd teńgeden astam qarajat urlanǵan.

A.Sadyrbaı ustaldy. Onyń sybaılasy tergeý sotynyń sankııasymen úı qamaýynda.