جاڭالىقتار
الماتى اكىمدىگى «اتاكەنتتە» تۇرعىن ءۇي كەشەنىن سالماق بولعان جەردى قايتارىپ الادى
الماتى اكىمدىگى «اتاكەنت» كورمە كەشەنى اۋماعىنداعى تۇرعىن ءۇي كەشەنىن سالۋعا جوسپارلانعان جەر تەلىمىن مەملەكەت مۇقتاجدىعى ءۇشىن قايتارىپ الماق, دەپ حابارلايدى Qandastar.kz اقپاراتتىق پورتالى.
2025 جىلدىڭ 10 ساۋىرىندە قالا اكىمىنىڭ وسىعان قاتىستى قاۋلىسى شىققان. قۇجاتقا سايكەس بوستاندىق اۋدانىنداعى كولەمى شامامەن 1,5 گەكتار جەر تەلىمى مەملەكەتكە قايتارىلادى. بۇل اۋماقتا جاڭا كورمە زالى سالۋ جوسپارلانىپ وتىر. كەيىن جەر قالانىڭ مادەنيەت باسقارماسىنىڭ قاراۋىنا وتەدى.
قوعامدىق كاداسترلىق كارتا دەرەكتەرىنە سەنسەك, بۇل جەر باستاپقىدا پاركينگى بار تۇرعىن ءۇي كەشەنىن سالۋعا ارنالعان ەدى.
قازىرگى مەنشىك يەسى «Atakent Asia Development» جشس. مەملەكەت پەن كومپانيا اراسىندا وتەماقى سوماسى كەلىسىم ارقىلى انىقتالادى. جەردى تولىعىمەن قايتارىپ الۋ 2027 جىلدىڭ 31 جەلتوقسانىنا دەيىن اياقتالادى دەپ جوسپارلانعان.
