Almaty ákimdigi «Atakentte» turǵyn úı keshenin salmaq bolǵan jerdi qaıtaryp alady

Almaty ákimdigi «Atakent» kórme kesheni aýmaǵyndaǵy turǵyn úı keshenin salýǵa josparlanǵan jer telimin memleket muqtajdyǵy úshin qaıtaryp almaq, dep habarlaıdy Qandastar.kz aqparattyq portaly.

2025 jyldyń 10 sáýirinde qala ákiminiń osyǵan qatysty qaýlysy shyqqan. Qujatqa sáıkes Bostandyq aýdanyndaǵy kólemi shamamen 1,5 gektar jer telimi memleketke qaıtarylady. Bul aýmaqta jańa kórme zaly salý josparlanyp otyr. Keıin jer qalanyń mádenıet basqarmasynyń qaraýyna ótedi.

Qoǵamdyq kadastrlyq karta derekterine sensek, bul jer bastapqyda parkıngi bar turǵyn úı keshenin salýǵa arnalǵan edi.

Qazirgi menshik ıesi «Atakent Asia Development» JShS. Memleket pen kompanııa arasynda ótemaqy somasy kelisim arqyly anyqtalady. Jerdi tolyǵymen qaıtaryp alý 2027 jyldyń 31 jeltoqsanyna deıin aıaqtalady dep josparlanǵan.