Almaty ákimdigi metrony jalǵastyrý úshin sheteldik bankterden qaryz alady

Foto: ashyq derekkóz

Almaty ákimdigi metrony jalǵastyrý úshin sheteldik bankterden qaryz alady, dep jazdy qandastar.kz

Qarajat uzyndyǵy 19,5 kılometr bolatyn jańa metro jelisin salýǵa qajet. Bul batys baǵytta Qalqaman stanııasynan Barlyq bazaryna, al shyǵys baǵytta Jibek joly stanııasynan áýejaıǵa deıingi jol degen sóz. Almaty qalasynyń ákimi Erbolat Dosaev shahardaǵy metropolıtendi damytý maqsatynda sheteldik banktermen kelissóz júrgizilip jatqanyn aıtty. Ákimdik halyqaralyq qarjy uıymdarynan 1 mlrd dollarǵa deıingi mólsherde qaryz alýy múmkin.

Budan bólek jergilikti bılik metrodaǵy qaýipsizdik máselesine de jiti kóńil bólip otyr. Taıaýda bolǵan qaıǵyly oqıǵadan soń platformalardaǵy qaýipsizdik kúsheıtiletin boldy. Osy maqsatta vagondardyń arasyndaǵy bos keńistikterge arnaıy týrnıketter ornatylady. Qazirgi platformalarda bul qorshaýlar 2025 jyldan bastap paıda bolady. Al jańadan salynatyn metro stanııalarynda bul talap mindetti bolmaq.