الماتى اكىمدىگى زووباقتى كوشىرمەيتىنىن حابارلادى

فوتو: اشىق دەرەككوز

الماتى قالالىق مادەنيەت باسقارماسى حايۋاناتتار باعىنىڭ قازىرگى ورنىندا جۇمىسىن جالعاستىراتىنىن جانە ونى باسقا قالاعا كوشىرۋ جوسپارى جوق ەكەنىن مالىمدەدى, – دەپ حابارلايدى  qandastar.kz

ۆەدومستۆونىڭ حابارلاۋىنشا, الماتىنىڭ دامۋ جوسپارىندا زووباقتى حالىقارالىق ستاندارتتارعا ساي جاڭعىرتۋ مەن قايتا قۇرۋ قاراستىرىلعان. بيىل جوبالىق-سمەتالىق قۇجاتتامانى ازىرلەۋ بويىنشا كونكۋرس جاريالانىپ, جاڭارتۋ جۇمىستارى 2028 جىلعا دەيىن كەزەڭ-كەزەڭىمەن جۇرگىزىلمەك.

سونىمەن قاتار الماتى وبلىسى اكىمدىگىنىڭ رەسمي سايتىنداعى زووباقتى كوشىرۋ تۋرالى اقپارات وشىرىلگەن.  اكىمدىك جوبالىق كەڭسە وتىرىسىندا بۇل ماسەلە تالقىلانعانىن حابارلاعان ەدى.