Almaty ákimdiginiń 126 mlrd qaryzy anyqtaldy

Foto: gov.kz

Almaty ákimdiginiń 126 mlrd teńge qaryzy bar, dep jazady qandastar.kz

Qalanyń aýdıt komıssııasy 2023 jylǵa tekseris júrgizdi. Sonyń barysynda bıýdjet qarjysyn josparlaý, paıdalaný jáne qaıtarý boıynsha máseleler anyqtalǵan. Aýdıtorlar esebine súıensek, 2015-2023 jyldar aralyǵynda Almaty ákimdigi 50 ret kredıt alǵan.

2023 jyldyń sońynda olardyń tek úsheýin ǵana tólegen. 2023 jyldyń 1 qańtarynda qala ákimdiginiń boryshy 129,84 mlrd teńge boldy. Bir jyl ishinde ol qaryzdyń 3 mlrd teńgesi ǵana tólendi.

Qaryzdy ne úshin aldy? 32,99 mlrd teńge – respýblıkalyq bıýdjet aldyndaǵy qaryzy. 2039 jylǵa deıin qazynadan 10 ret kredıt alǵan. 27,56 mlrd teńgeni «Almaty jylý júıeleri» kompanııasy alǵan. Ol qarjy Alataý aýdanyndaǵy 2017 jylǵy Ýnıversıada nysandaryn jylýmen qamtamasyz etý úshin jylý magıstraliniń qurylysy men JEO-2 jylý shyǵarý júıesin jańalaý úshin qajet bolǵan. 5,42 mlrd teńgeni «Aýyl sharýashylyǵyn qarjylaı qoldaý qory» jáne «Agrarlyq nesıelik korporaııa» arqyly alyp, jastar usynysy men kásipkerlikti qoldaý úshin jumsaǵan. 93,57 mlrd teńge – 2032 jylǵa deıin alǵan 11 mámile boıynsha kredıtorlar aldyndaǵy qaryz. 11,73 mlrd teńge – Naýryzbaı aýdanyndaǵy Qalqaman-2 aýdany men Túrkisib aýdanyndaǵy Jas Qanat shaǵyn aýdanynyń qurylysy úshin jumsaldy. 81,85 mlrd teńge – «Jumyspen qamtý jol kartasy» baǵdarlamasy aıasynda balabaqsha, kitaphana, murajaı, teatrdy jóndeý jumysyna, jol jóndeýge jáne t.b. qurylystarǵa qajet bolǵan.

Bıýdjetti basqarýda aıtarlyqtaı qatelikter anyqtalǵan. Degenmen aýdıtorlar ákimdik kredıtorlar men respýblıkalyq bıýdjet aldyndaǵy qaryzyn ýaqytyly jáne grafıkke saı tólep otyrǵandyǵyn aıtady.