الماتى اۋەجايى اۋا رايى قولايسىزدىعىنا بايلانىستى جابىلدى تاعى دا وقىڭىزدار:

الماتى اۋەجايى اۋا رايىنا بايلانىستى كەلۋشىلەر ءۇشىن جابىلدى. بۇگىن وڭتۇستىك استانادا اۋا رايى كۇرت ناشارلاپ, قار جاۋا باستادى
«الماتى حالىقارالىق اۋەجايى اۋا رايىنىڭ قولايسىزدىعىنا بايلانىستى مۇزدانىپ قالۋعا قارسى جۇمىستاردى جۇرگىزۋ ۋاقىتشا مۇمكىن بولماي تۇرعانىن حابارلادى. الماتىدان ۇشۋلار اۋا رايى جاقسارمايىنشا توقتاتىلدى», — دەپ حابارلادى اۋەجايدان.

سونداي-اق جەرگىلىكتى ۋاقىت بويىنشا ساعات 19:00-دەن باستاپ الماتى اۋەجايى كەلۋشىلەر ءۇشىن جابىلاتىنى حابارلاندى. الماتى حالىقارالىق اۋەجايى اۋا رايى جاقسارا سالىسىمەن جۇمىسىن جالعاستىرادى.

ايتا كەتەيىك, سينوپتيكتەر الماتىلىقتارعا قار جاۋاتىنىن ەسكەرتتى. بۇعان دەيىن قالادا ناۋرىزدىڭ 13-ءى مەن 15-ءى ارالىعىندا ءۇش كۇندىك قار جاۋادى دەپ بولجانعان بولاتىن. بۇگىن الماتى اكىمدىگى اۋا رايىنىڭ ناشارلاۋىنا بايلانىستى كوممۋنالدىق قىزمەتتەردىڭ كۇشەيتىلگەن جۇمىس رەجيمىنە كوشكەنىن اتاپ ءوتتى.

قار 15 ناۋرىزدا تاڭعى ساعات 4-كە دەيىن جالعاسادى, قالىڭدىعى 8-10 سم قار جاۋادى دەپ كۇتىلۋدە. وڭتۇستىك استانانىڭ تجد الماتى تۇرعىندارىنا ۇندەۋ جولدادى: قۇتقارۋشىلار قالادا باستالعان قالىڭ قارعا بايلانىستى ازاماتتاردى كولىكتەرىن اعاشتاردىڭ استىنا قويماۋدى سۇرايدى.