Almaty áýejaıy aýa raıy qolaısyzdyǵyna baılanysty jabyldy Taǵy da oqyńyzdar:

Almaty áýejaıy aýa raıyna baılanysty kelýshiler úshin jabyldy. Búgin ońtústik astanada aýa raıy kúrt nasharlap, qar jaýa bastady
«Almaty halyqaralyq áýejaıy aýa raıynyń qolaısyzdyǵyna baılanysty muzdanyp qalýǵa qarsy jumystardy júrgizý ýaqytsha múmkin bolmaı turǵanyn habarlady. Almatydan ushýlar aýa raıy jaqsarmaıynsha toqtatyldy», — dep habarlady áýejaıdan.

Sondaı-aq jergilikti ýaqyt boıynsha saǵat 19:00-den bastap Almaty áýejaıy kelýshiler úshin jabylatyny habarlandy. Almaty halyqaralyq áýejaıy aýa raıy jaqsara salysymen jumysyn jalǵastyrady.

Aıta keteıik, sınoptıkter almatylyqtarǵa qar jaýatynyn eskertti. Buǵan deıin qalada naýryzdyń 13-i men 15-i aralyǵynda úsh kúndik qar jaýady dep boljanǵan bolatyn. Búgin Almaty ákimdigi aýa raıynyń nasharlaýyna baılanysty kommýnaldyq qyzmetterdiń kúsheıtilgen jumys rejımine kóshkenin atap ótti.

Qar 15 naýryzda tańǵy saǵat 4-ke deıin jalǵasady, qalyńdyǵy 8-10 sm qar jaýady dep kútilýde. Ońtústik astananyń TJD Almaty turǵyndaryna úndeý joldady: qutqarýshylar qalada bastalǵan qalyń qarǵa baılanysty azamattardy kólikterin aǵashtardyń astyna qoımaýdy suraıdy.