جاڭالىقتار
الماتى اۋەجايىندا بالانىڭ ۇستىنە اينەك قۇلاپ كەتتى
فوتو: الەۋمەتتىك جەلىدەن
الماتى اۋەجايىندا ويناپ جۇرگەن بالانىڭ ۇستىنە اينەك قۇلاعان. اينەكتىڭ سىنىعى بالانىڭ ماڭدايىنا ءتيدى. بۇل تۋرالى Qandastar.kz حابارلايدى.
كۋاگەرلەردىڭ ايتۋىنشا, بالا شامامەن 7-9 جاستا. وقيعا 4 شىلدە الماتى-شىمكەنت رەيسىن كۇتىپ تۇرعاندا بولعان.
اۋەجايدىڭ ءباسپاسوز قىزمەتى بالانىڭ پەررونعا شىعاتىن جاققا قاراي جۇگىرگەنىن جانە ۆيتراجدى قورعاۋدى بايقاماعانىن مالىمدەدى.
«قاۋىپسىزدىك قىزمەتىنىڭ قىزمەتكەرلەرى دەرەۋ ارەكەت ەتىپ, اۋەجايدىڭ مەديتسينالىق قىزمەتىن, سونداي-اق جەدەل جاردەمدى شاقىردى. اۋەجايدىڭ كەزەكشى مەديتسينا قىزمەتكەرلەرى جەدەل جاردەم بريگاداسى جەتكەنشە العاشقى مەديتسينالىق كومەك كورسەتتى», – دەپ حابارلادى اۋەجايدىڭ ءباسپاسوز قىزمەتى.
اۋەجاي اكىمشىلىگى ەمگە كەتەتىن بارلىق شىعىندى ءوز موينىنا العانىن ايتىپ, اتا-انالاردان بالالارىن كۇتۋ ورنىندا مۇقيات باقىلاۋدى سۇرادى.
