Almaty áýejaıynda balanyń ústine áınek qulap ketti

foto: Áleýmettik jeliden
Almaty áýejaıynda oınap júrgen balanyń ústine áınek qulaǵan. Áınektiń synyǵy balanyń mańdaıyna tıdi. Bul týraly Qandastar.kz habarlaıdy.

Kýágerlerdiń aıtýynsha, bala shamamen 7-9 jasta. Oqıǵa 4 shilde Almaty-Shymkent reısin kútip turǵanda bolǵan.

Áýejaıdyń baspasóz qyzmeti balanyń perronǵa shyǵatyn jaqqa qaraı júgirgenin jáne vıtrajdy qorǵaýdy baıqamaǵanyn málimdedi.

«Qaýipsizdik qyzmetiniń qyzmetkerleri dereý áreket etip, áýejaıdyń medıınalyq qyzmetin, sondaı-aq jedel járdemdi shaqyrdy. Áýejaıdyń kezekshi medıına qyzmetkerleri jedel járdem brıgadasy jetkenshe alǵashqy medıınalyq kómek kórsetti», – dep habarlady áýejaıdyń baspasóz qyzmeti.

Áýejaı ákimshiligi emge ketetin barlyq shyǵyndy óz moınyna alǵanyn aıtyp, ata-analardan balalaryn kútý ornynda muqııat baqylaýdy surady.