الماتى اۋەجايىندا ەر ادام ءوزىن باۋىزداپ تاستاماق بولدى

فوتو: الەۋمەتتىك جەلىدەن

الماتى اۋەجايىندا ەر ادام ءوزىن باۋىزداپ تاستاماق بولدى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

اۋەجايدىڭ ءباسپاسوز قىزمەتىنىڭ مالىمەتىنشە, ىشكى رەيستەر تەرمينالىندا ءبىر جولاۋشى دارەتحانادا وزىنە قول سالماق بولعان. الەۋمەتتىك جەلىدە تاراعان ۆيدەودان قانعا بويالعان دارەتحانانى جانە جەردە جاتقان شىنى بوتەلكە سىنىعىن كورۋگە بولادى.

«وقيعانى اۋەجاي قىزمەتكەرلەرى دەر كەزىندە بايقاپ, جەدەل جاردەم شاقىرعان. جەدەل جاردەم بريگاداسى كەلگەنگە دەيىن جولاۋشىعا العاشقى مەديتسينالىق كومەك كورسەتىلدى. قازىر ەر ادامنىڭ ومىرىنە قاۋىپ جوق, جولاۋشى دارىگەرلەردىڭ باقىلاۋىندا», – دەلىنگەن حابارلامادا.

پوليتسيا وزىنە قول جۇمساۋعا تالپىنۋ دەرەگى بويىنشا قىلمىستىق ءىس قوزعادى. 

الدىن الا مالىمەت بويىنشا, الماتى – استانا باعىتىنداعى رەيستىڭ جولاۋشىسى اۋەجايعا ەرتەرەك كەلىپ, تىركەۋدەن جانە تەكسەرۋدەن وتكەن. سودان كەيىن ول ۇشاققا وتىرعىزۋدى كۇتىپ وتىرعان. الايدا بەلگىسىز سەبەپتەرمەن ول ۇشاققا مىنبەي, شامامەن ءتورت ساعات بويى كۇتۋ زالىندا وتىرعان. كەيىنىرەك ەر ادام دارەتحاناعا كىرىپ, وزىنە قول سالۋعا ۇمتىلعان.

ەر ادامنىڭ مۇنداي ارەكەتكە نە سەبەپتى بارعانى ازىرگە بەلگىسىز.

ەسكە سالساق, بۇعان دەيىن الماتى اۋەجايىندا ەر ادام ءوزىن ورتەپ جىبەرگەن ەدى.