الماتى اۋەجايىندا قىزمەتكەردى كەپىلگە العان ەر ادامعا ءۇش قىلمىستىق ءىس قوزعالدى

فوتو: inbusiness

ىشكى ىستەر مينيسترلىگى الماتى اۋەجايىنداعى ادامداردى كەپىلگە العان ەر ادامنىڭ ارەكەتىنە قاتىستى العاش رەت تۇسىنىكتەمە بەردى, دەپ حابارلايدى qandastar.kz skifnews.kz-كە سىلتەمە جاساپ.

ىشكى ىستەر مينيسترلىگىنىڭ مالىمەتىنشە, قولىنا پىشاق ۇستاعان ەر ادام اۋەجاي قىزمەتكەرىن كەپىلگە الىپ, سومكەسىندە بومبا بارىن ايتىپ, جولاۋشىلاردى قورقىتقان.

بولعان جاعدايعا قاتىستى ءۇش باپ بويىنشا قىلمىستىق ءىس قوزعالدى:

كەپىلگە الۋ (قىلمىستىق كودەكستىڭ 261-بابى 2-بولىگى, 4-تارماعى) – مۇلكى تاركىلەنىپ, 7 جىلدان 12 جىلعا دەيىنگى مەرزىمگە باس بوستاندىعىنان ايىرۋدى كوزدەيدى; قارۋ قولدانىپ بۇزاقىلىق جاساۋ (قىلمىستىق كودەكستىڭ 293-بابى, 3-بولىگى) – 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ قاراستىرىلعان. تەرروريزم اكتىسى تۋرالى كورىنەۋ جالعان حابارلاۋ (قىلمىستىق كودەكستىڭ 273-بابى) – 5000 اەك-كە دەيىنگى مولشەردە ايىپپۇل سالۋ نەمەسە 5 جىلعا دەيىن باس بوستاندىعىنان ايىرۋ كوزدەلگەن.

تەرگەۋ جۇمىستارى جالعاسىپ جاتىر. وقيعانى جان-جاقتى زەرتتەۋ ءۇشىن جەدەل-تەرگەۋ توبى قۇرىلدى.

كۇدىكتىگە قاتىستى ەكى ايعا قاماۋدا ۇستاۋ تۋرالى بۇلتارتپاۋ شاراسى تاعايىندالدى.