Almaty áýejaıynda qyzmetkerdi kepilge alǵan er adamǵa úsh qylmystyq is qozǵaldy

Foto: inbusiness

Ishki ister mınıstrligi Almaty áýejaıyndaǵy adamdardy kepilge alǵan er adamnyń áreketine qatysty alǵash ret túsinikteme berdi, dep habarlaıdy qandastar.kz skifnews.kz-ke silteme jasap.

Ishki ister mınıstrliginiń málimetinshe, qolyna pyshaq ustaǵan er adam áýejaı qyzmetkerin kepilge alyp, sómkesinde bomba baryn aıtyp, jolaýshylardy qorqytqan.

Bolǵan jaǵdaıǵa qatysty úsh bap boıynsha qylmystyq is qozǵaldy:

Kepilge alý (qylmystyq kodekstiń 261-baby 2-bóligi, 4-tarmaǵy) – múlki tárkilenip, 7 jyldan 12 jylǵa deıingi merzimge bas bostandyǵynan aıyrýdy kózdeıdi; Qarý qoldanyp buzaqylyq jasaý (qylmystyq kodekstiń 293-baby, 3-bóligi) – 3 jyldan 7 jylǵa deıingi merzimge bas bostandyǵynan aıyrý qarastyrylǵan. Terrorızm aktisi týraly kórineý jalǵan habarlaý (qylmystyq kodekstiń 273-baby) – 5000 AEK-ke deıingi mólsherde aıyppul salý nemese 5 jylǵa deıin bas bostandyǵynan aıyrý kózdelgen.

Tergeý jumystary jalǵasyp jatyr. Oqıǵany jan-jaqty zertteý úshin jedel-tergeý toby quryldy.

Kúdiktige qatysty eki aıǵa qamaýda ustaý týraly bultartpaý sharasy taǵaıyndaldy.