الماتى دا زاڭسىز ميگرانتتار قاپتاپ ءجۇر

«الماتى دا 24 شىلدەدەن باستالعان  «ميگرانت»  جەدەل-پروفيلاكتيكالىق ءىس-شاراسىنىڭ قورىتىندىسى شىقتى,»- دەپ حابارلايدى,  الماتى قالاسى ىشكى ىستەر دەپارتامەنتىنىڭ ءباسپاسوز قىزمەتى.

«نەگىزگى ماقساتى  الماتى قالاسىندا قىلمىس جاعدايدىن ازايتۋ,  زاڭسىز جۇرگەن  تۇلعالاردى باقىلاۋ  سونداي-اق زاڭسىز كوشى-قون ارنالارىن جولىن كەسۋ بولىپ تابىلاتىن ءىس شارا ناتيجەلى ەڭبەكتەنۋدە.  ءبىر الماتى قالاسى بويىنشا عانا,   اكىمشىلىك الىمدار كوشى-قون زاڭدىلىقتارىن بۇزعانى ءۇشىن , «OPM ناتيجەسىندە»  زاڭسىز ميگرانت  1 000 232 ادام, ونىڭ ىشىندە 1 000 065 شەتەل ازاماتتارى تارتىلدى.  سوت  شەشىمىمەن ەلدەن 178 شەتەلدىك ازامات شىعارىلدى. قازاقستان رەسپۋبليكاسىندا شەتەلدىك جۇمىس كۇشىن تارتۋ ەرەجەلەرىن بۇزعانى ءۇشىن, 133 جەكە جانە زاڭدى تۇلعالارعا  اكىمشىلىك ايىپپۇل سالىندى. سونداي-اق قازاقستان رەسپۋبليكاسىنىڭ قىلمىستىق كودەكسىندە كوزدەلگەن كوشى-قون زاڭناماسىن بۇزعانى ءۇشىن 11-ءىس  سوتقا دەيىنگى تەرگەۋگە  تىركەلدى. ولاردىڭ بارلىعى سوت شەشىمىنىڭ ورىندالماۋ فاكتىلەرى بويىنشا قوزعالدى », – دەپ حابارلادى ىشكى ىستەر دەپارتامەنتىنىڭ پوليتسيا ءبولىمىنىڭ باستىعى جاندوس تۇرىسبەكوۆ.

الماتى قالاسىنىڭ ءىىد  مەن مەملەكەتتىك ورگاندار بىرلەسە شەتەلدىكتەر ءومىر سۇرەتىن تۇرعىن اۋدانداردىڭ, قوناق ۇيلەر  جانە جاتاقحانالار, سونىڭ ىشىندە ساۋدا ۇيلەرى, كافە, بارلار, مەيرامحانالار, ويىن-ساۋىق ورىندارى, قالا بازارلارىنا, جاقىن ماڭداعى اۋدانداردا,  بولىپ  ولاردىڭ  جۇمىستارى مەن زاڭدى قۇجاتتارىن ءجىتى باقىلاۋعا الدى. بۇل ءوز كەزەگىن دە ءىرى مەگوپوليسكە اينالعان الماتى قالاسىنداعى  قىلمىستىڭ الدىن الۋ, ەڭبەك ميگرانتتارىن زاڭسىز پايدالانىپ جۇرگەندەردىڭ ءىسىن اشەكەرەلەۋ بولىپ تابىلادى.

«پوليتسيا تۇراقتى تۇردە قالاداعى كوشى-قون جاعدايىن جاقسارتۋ جونىندە شارالار قابىلدايتىندىعىن اتاپ ءوتۋ كەرەك. ايتپاقشى, تەكسەرۋ بارىسىندا 2018 جىلدىڭ ءبىرىنشى جارتى جىلدىعىندا كوشى-قون زاڭناماسىن بۇزعانى ءۇشىن الماتىعا كەلگەن  212 000  شەتەل ازاماتتارىن ۇستاپ,  21 مىڭنان استام اكىمشىلىك جاۋاپكەرشىلىككە  تارتىلىپ ەلدەن قۋىلدى.  سونىڭ ىشىندە 23 مىڭنان استام ەڭبەك ميگرانتتارى زاڭداستىرىلدى », – دەپ ءتۇسىندىردى جاندوس تۇرىسبەكوۆ.

ايدا قوجمامبەتوۆا