Almaty qalasynyń ákimi aýysady

Bul týraly Almaty qalasy máslıhaty málimdedi, dep habarlaıdy Qandastar.kz aqparat portaly.

Jaqyn arada eń iri megapolıs – Almaty qalasynyń shahar basshysy aýysady. Qalalyq máslıhat saıtynda jańa ákimdi taǵaıyndaýǵa kelisim berý úshin jınalys ótkizý josparlanǵany aıtylǵan.

«2022 jylǵy 8 maýsymdaǵy № 912 Qazaqstan Respýblıkasy Prezıdentiniń Jarlyǵymen bekitilgen Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalarynyń 5-tarmaǵyna sáıkes, Almaty qalasynyń ákimin taǵaıyndaýǵa kelisim berý úshin 2025 jylǵy 24 mamyr kúni saǵat 12:00–de VIII saılanymdaǵy Almaty qalasy máslıhat depýtattarynyń jınalysy ótedi», — delingen málimdemede. 

Aıta keteıik, Almaty qalasynyń qazirgi ákimi Erbolat Dosaev. Ol 2012 jyldyń 31 qańtarynda saılanǵan bolatyn.