الماتى مەتروسىندا قازا تاپقان جىگىت جايلى دەرەكتەر پايدا بولدى

«قازاق زاعيپتار قوعامى» 26 جاستاعى جىگىتتىڭ قازاسىنان كەيىن مالىمدەمە جاسادى.

مەترودا قۇلاپ مەرت بولعان جىگىت جايلى تىڭ اقپاراتتار شىقتى, دەپ حابارلادى qandastar.kz

«قازاق زاعيپتار قوعامى» وكىلدەرى مەترونىڭ زاعيپتار ءۇشىن قولايسىز ەكەنىن ايتتى.

مەترودا قۇلاعان ازاماتتىڭ ەسىمى — قانات باتقالعازى. ءجاسوسپىرىم كەزىندە ونىڭ كورۋ قابىلەتى ناشارلاي باستاعان, ونىڭ ۇستىنە بۇل سىرقاتى تۇقىم قۋالاعان. وعان بۇعان دەيىن بەس مارتە وتا جاسالعانىنا قاراماستان كورۋ قابىلەتى وڭالماعان.

ونى بىلەتىن ادامداردىڭ سوزىنە سەنسەك, مارقۇم وتە ەڭبەكقور بولعان. ول كومپيۋتەرىنە ورناتىلعان داۋىستىق باعدارلامانىڭ كومەگىمەن 18 جاسىنان باستاپ مەملەكەتتىك ساتىپ الۋلارعا قاتىسقان. اقشا تاۋىپ, اتا-اجەسىنە قامقورلىق تانىتقان. سونداي-اق مەديتسينالىق كوللەدجدە ماسساجيست ماماندىعى بويىنشا ءبىلىم العان.

زاعيپتار قوعامى وكىلدەرى كوزى كورمەيتىن كىسىلەر ءۇشىن كوشەدە شاشىلىپ جاتاتىن سوماكاتتاردىڭ دا زيانى كوپ ەكەنىن ايتتى.

كورۋ قابىلەتى ناشارلار ارىقتارعا قۇلاپ كەتىپ جاتادى. كوپ جەردە تاكتيلدى جولدار جوق. بۇل جولدار مۇگەدەكتەرگە جول كورسەتەدى. تاياقپەن جۇرگەندە كەدەرگىلەر بار جەردە جول كورسەتىلەدى, – دەدى “قازاق زاعيپتارى قوعامى” الماتى قالالىق فيليالىنىڭ ءتورايىمى التىناي يبراگيموۆا.