Almaty metrosynda qaza tapqan jigit jaıly derekter paıda boldy

«Qazaq zaǵıptar qoǵamy» 26 jastaǵy jigittiń qazasynan keıin málimdeme jasady.

Metroda qulap mert bolǵan jigit jaıly tyń aqparattar shyqty, dep habarlady qandastar.kz

«Qazaq zaǵıptar qoǵamy» ókilderi metronyń zaǵıptar úshin qolaısyz ekenin aıtty.

Metroda qulaǵan azamattyń esimi — Qanat Batqalǵazy. Jasóspirim kezinde onyń kórý qabileti nasharlaı bastaǵan, onyń ústine bul syrqaty tuqym qýalaǵan. Oǵan buǵan deıin bes márte ota jasalǵanyna qaramastan kórý qabileti ońalmaǵan.

Ony biletin adamdardyń sózine sensek, marqum óte eńbekqor bolǵan. Ol kompıýterine ornatylǵan daýystyq baǵdarlamanyń kómegimen 18 jasynan bastap memlekettik satyp alýlarǵa qatysqan. Aqsha taýyp, ata-ájesine qamqorlyq tanytqan. Sondaı-aq medıınalyq kolledjde massajıst mamandyǵy boıynsha bilim alǵan.

Zaǵıptar qoǵamy ókilderi kózi kórmeıtin kisiler úshin kóshede shashylyp jatatyn somakattardyń da zııany kóp ekenin aıtty.

Kórý qabileti nasharlar aryqtarǵa qulap ketip jatady. Kóp jerde taktıldi joldar joq. Bul joldar múgedekterge jol kórsetedi. Taıaqpen júrgende kedergiler bar jerde jol kórsetiledi, – dedi “Qazaq zaǵıptary qoǵamy” Almaty qalalyq fılıalynyń tóraıymy Altynaı Ibragımova.