جاڭالىقتار
الماتى وبلىستىق پروكۋراتۋراسى زاڭسىز ميتينگكە قاتىسپاۋعا شاقىردى
فوتو: gov.kz
الماتى وبلىسىنىڭ پروكۋراتۋراسى تۇرعىنداردى زاڭسىز ميتينگىلەرگە قاتىسپاۋعا شاقىردى. بۇل تۋرالى تالعار اۋداندىق پروكۋراتۋسى حابارلادى, دەپ جازدى qandastar.kz
الماتى وبلىسىنىڭ پروكۋراتۋراسى جينالىستار, ميتينگىلەر, پيكەتتەر سياقتى بۇقارالىق ءىس-شارالاردى وتكىزۋ «بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭىمەن قاتاڭ رەتتەلەتىنىن ەسكە سالدى.
«ءبىز تۇرعىنداردى جاۋاپكەرشىلىك تانىتىپ, زاڭسىز ميتينگىلەرگە قاتىسۋعا شاقىرۋلارعا ەرىپ كەتپەۋدى سۇرايمىز. مۇنداي ءىس-شارالاردى ۇيىمداستىرۋ جانە وعان قاتىسۋ زاڭدى ورەسكەل بۇزۋ بولىپ سانالادى جانە اۋىر زارداپتارعا اكەپ سوعادى. بۇل ارەكەتتەر اكىمشىلىك جاۋاپكەرشىلىككە (اكىمشىلىك قۇقىقبۇزۋشىلىق تۋرالى كودەكستىڭ 488-بابى) جانە قىلمىستىق جاۋاپتىلىققا (قىلمىستىق كودەكستىڭ 400-بابى) جاتادى.
زاڭسىز ارەكەتتەرگە قاتىسۋ اكىمشىلىك قاماۋعا الۋعا, ءىرى كولەمدەگى ايىپپۇلدارعا, سونداي-اق قىلمىستىق قۋدالاۋعا اكەلۋى مۇمكىن ەكەنىن ەسكەرىڭىز», – دەلىنگەن حابارلامادا.
پروكۋراتۋرا حالىقتى زاڭدى ساقتاۋعا شاقىرىپ, زاڭسىز ارەكەتتەرگە قاتىسۋ اكىمشىلىك قاماۋعا الۋعا, ءىرى كولەمدەگى ايىپپۇلدارعا, سونداي-اق قىلمىستىق قۋدالاۋعا اكەپ سوقتىرۋى مۇمكىن ەكەنىن ەسكەرتتى.
