Almaty oblystyq prokýratýrasy zańsyz mıtıngke qatyspaýǵa shaqyrdy

Foto: gov.kz

Almaty oblysynyń prokýratýrasy turǵyndardy zańsyz mıtıngilerge qatyspaýǵa shaqyrdy. Bul týraly Talǵar aýdandyq prokýratýsy habarlady, dep jazdy qandastar.kz

Almaty oblysynyń prokýratýrasy jınalystar, mıtıngiler, pıketter sııaqty buqaralyq is-sharalardy ótkizý «Beıbit jınalystardy uıymdastyrý jáne ótkizý tártibi týraly» zańymen qatań retteletinin eske saldy.

«Biz turǵyndardy jaýapkershilik tanytyp, zańsyz mıtıngilerge qatysýǵa shaqyrýlarǵa erip ketpeýdi suraımyz. Mundaı is-sharalardy uıymdastyrý jáne oǵan qatysý zańdy óreskel buzý bolyp sanalady jáne aýyr zardaptarǵa ákep soǵady. Bul áreketter ákimshilik jaýapkershilikke (Ákimshilik quqyqbuzýshylyq týraly kodekstiń 488-baby) jáne qylmystyq jaýaptylyqqa (Qylmystyq kodekstiń 400-baby) jatady.

Zańsyz áreketterge qatysý ákimshilik qamaýǵa alýǵa, iri kólemdegi aıyppuldarǵa, sondaı-aq qylmystyq qýdalaýǵa ákelýi múmkin ekenin eskerińiz», – delingen habarlamada.

Prokýratýra halyqty zańdy saqtaýǵa shaqyryp, zańsyz áreketterge qatysý ákimshilik qamaýǵa alýǵa, iri kólemdegi aıyppuldarǵa, sondaı-aq qylmystyq qýdalaýǵa ákep soqtyrýy múmkin ekenin eskertti.