الەم جاڭالىقتارى
الماتى وبلىسى فرانتسياداعى كورمەگە قاتىسۋ ءۇشىن كونكۋرس جاريالاپ, 60 ميلليون تەڭگەگە جۋىق قارجى بولگەن
فوتو: pixabay.com
الماتى وبلىسىنىڭ تۋريزم باسقارماسى فرانتسيا مەن سينگاپۋردە وتەتىن كورمەلەرگە شامامەن 60 ميلليون تەڭگە جۇمساۋدى جوسپارلاپ وتىر, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
مالىمەتتەرگە سەنسەك, تاپسىرىس بەرۋشى ونلاين ساۋدا-ساتتىق پلاتفورماسىندا كورمە ءۇشىن ارنايى لوت شىعارعان.
«تاپسىرىس بەرۋشى – الماتى وبلىسى تۋريزم باسقارماسىنىڭ «تۋريستىك اقپاراتتىق ورتالىعى» كگكپ; قىزمەت ءتۇرى – كورمە ۇيىمداستىرۋ جانە وتكىزۋ; قوسىمشا سيپاتتاماسى – قازاقستاننان تىس جەرلەردە وتەتىن كورمەلەردى ۇيىمداستىرۋ: IFTM TOP RESA (فرانتسيا) جانە ITB Asia 2025 (سينگاپۋر); جوسپارلانعان سوما – 56 922 321,43 تەڭگە», – دەلىنگەنمەملەكەتتىك ساتىپ الۋ پورتالىندا جاريالانعان لوت سيپاتتاماسىندا.
كونكۋرسقا قاتىسۋعا الدىن الا وتىنىمدەر 26 تامىز بەن 3 قىركۇيەك ارالىعىندا قابىلدانادى.
ەسكە سالايىق, الماتى وبلىسى اكىمدىگى بۇعان دەيىن دە قىمبات كولىك ساتىپ الۋىمەن سىنعا ىلىككەنىن جازعان ەدىك. 2023 جىلى 562 ملن تەڭگەگە اۆتوپارك جاڭارتقان, كەيىن TANK جول تالعامايتىندارىن العان. ەندى پرەزيدەنتتىڭ ۇنەمدەۋ تاپسىرماسىنان سوڭ دا 96 ملن تەڭگەگە Land Cruiser 300 مەن KIA K9 الىنعانى بەلگىلى بولدى.
