Álem jańalyqtary
Almaty oblysy Franııadaǵy kórmege qatysý úshin konkýrs jarııalap, 60 mıllıon teńgege jýyq qarjy bólgen
Foto: pixabay.com
Almaty oblysynyń týrızm basqarmasy Franııa men Sıngapýrde ótetin kórmelerge shamamen 60 mıllıon teńge jumsaýdy josparlap otyr, dep jazdy qandastar.kz
Bul týraly Stan.kz aqparat agenttigi habarlaıdy.
Málimetterge sensek, tapsyrys berýshi onlaın saýda-sattyq platformasynda kórme úshin arnaıy lot shyǵarǵan.
«Tapsyrys berýshi – Almaty oblysy týrızm basqarmasynyń «Týrıstik aqparattyq ortalyǵy» KGKP; qyzmet túri – kórme uıymdastyrý jáne ótkizý; qosymsha sıpattamasy – Qazaqstannan tys jerlerde ótetin kórmelerdi uıymdastyrý: IFTM TOP RESA (Franııa) jáne ITB Asia 2025 (Sıngapýr); josparlanǵan soma – 56 922 321,43 teńge», – delingenmemlekettik satyp alý portalynda jarııalanǵan lot sıpattamasynda.
Konkýrsqa qatysýǵa aldyn ala ótinimder 26 tamyz ben 3 qyrkúıek aralyǵynda qabyldanady.
Eske salaıyq, Almaty oblysy ákimdigi buǵan deıin de qymbat kólik satyp alýymen synǵa ilikkenin jazǵan edik. 2023 jyly 562 mln teńgege avtopark jańartqan, keıin TANK jol talǵamaıtyndaryn alǵan. Endi prezıdenttiń únemdeý tapsyrmasynan soń da 96 mln teńgege Land Cruiser 300 men KIA K9 alynǵany belgili boldy.
