Jańalyqtar
Almaty oblysy Ile aýdanynyń eks-ákimine jeti bap boıynsha is qozǵaldy
Foto: Bagdat Karasaev Facebook-paraqshasy
Almaty oblysy Ile aýdanynyń burynǵy ákimi Baǵdat Qarasaevqa Qylmystyq kodeksiniń jeti baby boıynsha aıyp taǵyldy, dep jazdy qandastar.kz
Bul týralyStan.kz aqparat agenttigi habarlaıdy.
Eks-ákim Baǵdat Qarasaevtyń qylmystyq isi sotqa jiberildi. OlQylmystyq kodekstiń jeti baby boıynsha qaralady.
Sybaılas jemqorlyqqa qarsy is-qımyl agenttiginiń Almaty oblysy boıynsha departamenti B.A.Qarasaevqa jáne basqa da tulǵalarǵa qatysty kelesi baptar boıynsha sotqa deıingi tergep-tekserýdi aıaqtaǵanyn málimdedi. Olarǵa myna baptar boıynsha qylmystyq is qozǵaldy:
- 189-bap (Senip tapsyrylǵan bóten múlikti ıemdenip alý nemese talan-tarajǵa salý);
- 190-bap (Alaıaqtyq);
- 324-bap (Sharýashylyq nemese ózge de qyzmetke qoıylatyn ekologııalyq talaptardy buzý);
- 361-bap (Laýazymdyq ókilettikterdi teris paıdalaný);
- 362-bap (Bılikti nemese laýazymdyq ókilettikterdi asyra paıdalaný);
- 364-bap (Kásipkerlik qyzmetke zańsyz qatysý);
- 369-baby ( Qyzmettik jalǵandyq jasaý);
Qadaǵalaý organynyń habarlaýynsha, qylmystyq is máni boıynsha qaraý úshin 31 naýryzda Almaty oblysynyń Ile aýdandyq sotyna jiberildi.
«Qarasaev B.A.-ǵa qatysty qylmystyq qýdalaý organy buryn «qamaý» túrindegi bultartpaý sharasyn tańdaǵan edi», — delingen prokýratýra habarlamasynda.
Aıta keteıik, buǵan deıin Almaty oblysynda Ile aýdanynyń ákimi Baǵdat Qarasaev ustalǵany týraly jazylǵan edi. Keıinnen Ile aýdanyndaǵy qoqys polıgonyn tekserý kezinde ákim sybaılas jemqorlyqqa qatysy bar degen kúdikke ilingeniaıtylǵan.
