جاڭالىقتار
الماتى وبلىسى جاڭا جۇمىس ۋاقىتىنا كوشتى
16 ماۋسىمنان باستاپ الماتى وبلىسىنىڭ مەملەكەتتىك مەكەمەلەرى جاڭا جۇمىس كەستەسىنە كوشتى, دەپ حابارلايدى Qandastar.kz اقپارات پورتالى BAQ.KZ سايتىنا سىلتەمە جاساپ.
ەندى اۋدان مەن وبلىستىق باسقارمالارداعى مەملەكەتتىك مەكەمەلەر جۇمىسىن تاڭعى 8-دە باستاپ, 17:30-دا اياقتايدى. تۇسكى ءۇزىلىس 12:30 بەن 14:00 اراسى.
وزگەرىستەر كەلەسى مەملەكەتتىك ورگاندارعا قاتىستى:
- بالقاش, ەڭبەكشىقازاق, جامبىل, ىلە, قاراساي, كەگەن, رايىمبەك, تالعار, ۇيعىر اۋداندارىنىڭ, سونداي-اق قوناەۆ جانە الاتاۋ قالالارىنىڭ اكىمدىكتەرى;
- اۋىل شارۋاشىلىعى, ۆەتەريناريا, دەنساۋلىق ساقتاۋ, ءبىلىم, ەكونوميكا, تۋريزم, سپورت, قۇرىلىس, تكش, ەنەرگەتيكا, تسيفرلىق تەحنولوگيالار جانە باسقا دا سالالار بويىنشا 27 باسقارما.
سونداي-اق تىزىمگە ىشكى ساياسات, مادەنيەت, ساۋلەت, جۇمىسپەن قامتۋ, قارجى, ءتىل ساياساتى جانە توتەنشە جاعدايلار باسقارمالارى دا كىرەدى.
