الماتى وبلىسىندا ايەل جاردان قۇلاپ كەتتى

توتەنشە جاعداي مينيسترلىگىنىڭ اسكەري قىزمەتكەرلەرى تالعار اۋدانىنداعى مارالساي شاتقالىندا قۇلاپ كەتكەن ايەلدى تاپتى, دەپ حابارلايدى Qandastar.kz.

توتەنشە جاعداي مينيسترلىگىنە قاراستى 28237 اسكەري ءبولىمىنىڭ اسكەري قىزمەتكەرلەرى ىلە-الاتاۋ مەملەكەتتىك ۇلتتىق تابيعي پاركىنىڭ اۋماعىندا مەحانيكالاندىرىلعان پاترۋل باعىتىمەن ءجۇرىپ كەلە جاتىپ شاتقال ىشىندە كومەككە شاقىرىپ جاتقان ايەلدى بايقاپ قالعان.

“پاترۋلدەۋ كەزىندە كومەككە مۇقتاج ادام انىقتالدى. بەلگىلى بولعانداي, 1986 جىلى تۋعان ايەل ابايسىزدا جاردان قۇلاپ كەتىپ, ءوز بەتىمەن شىعا الماعان. كەزەكشى جاساقتىڭ كۇشىمەن زارداپ شەككەن ايەل قۇتقارىلىپ, كەلگەن جەدەل جاردەم قىزمەتكەرلەرىنە تاپسىرىلدى”, – دەلىنگەن حابارلامادا.

ايەلدىڭ ومىرىنە قاۋىپ تونگەن ەدى. ال قۇتقارۋشىلار قاۋىپتىڭ الدىن الدى