الماتى وبلىسىندا دومبىرا مۇعالىمى 14 جاستاعى قىزبەن جىنىستىق قاتىناسقا ءتۇستى دەگەن كۇدىككە ءىلىندى

فوتو: ۆيدەودان سكرين

الماتى وبلىسىندا 14 جاستاعى قىزبەن جىنىستىق قاتىناسقا ءتۇستى دەگەن كۇدىكپەن دومبىرا ۇيىرمەسىنىڭ ۇستازى ۇستالدى, دەپ جازدى qandastar.kz

بۇل تۋرالى Stan.kz اقپارات اگەنتتىگى 31 ارناعا سىلتەمە جاساپ حابارلايدى.

ەكەۋىنىڭ قوناقۇيگە بارىپ, بولمەگە بىرگە كىرگەنى باستان-اياق باقىلاۋ كامەراسىنا جازىلعان. كوپ ۇزاماي پوليتسەيلەر جەتىپ كەلىپ 33 جاستاعى ەر ادامنىڭ قولىنا كىسەن سالادى. ال قوناقۇيدىڭ قوجايىنى بۇل وقيعانىڭ قاساقانا ۇيىمداستىرىلعانىن ايتادى. سەبەبى, كامەلەتكە تولماعان قىز بۇعان دەيىن دە ءدال وسىلاي وزگە ازاماتقا قاستاندىق جاساعان دەپ وتىر.

وقيعا وتەگەن باتىر اۋىلىنداعى «ۋ روزى» قوناقۇيىندە بولعان. تۇنگى ساعات 2-دەن اسا قوناقۇيگە ەر ادام كىرەدى. قىزمەتكەردەن بولمەنىڭ باعاسىن سۇراعاسىن, سىرتقا شىعىپ, جانىنا جاس قىزدى ەرتىپ قايتا كەلەدى. اقشاسىن قولما-قول تولەپ, ەكەۋى بوس بولمەگە قاراي كەتەدى. ولار بولمەگە كىرگەننەن كەيىن كوپ ۇزاماي قوناقۇيگە پوليتسەيلەر كەلەدى.

بۇل اقپاراتتى قوناقۇي قوجايىنى راستاپ وتىر. ونىڭ ايتۋىنشا, بۇل قۇرىققا ءتۇسىرۋ ايلاسى. الماتى وبلىسى پوليتسيا دەپارتامەنتى بۇل ءىس بويىنشا تەرگەۋ امالدارى جۇرگىزىلىپ جاتقانىن حابارلادى.

“پوليتسيا قىزمەتكەرلەرى كۇدىكتىنى انىقتاپ, ۇستاپ اۋداندىق بولىمشەگە جەتكىزدى. قازىرگى ۋاقىتتا بولعان وقيعانىڭ بارلىق ءمان-ءجايىن جان-جاقتى, تولىق ءارى وبەكتيۆتى انىقتاۋعا باعىتتالعان قاجەتتى تەرگەۋ امالدارى جۇرگىزىلۋدە”, – دەدى الماتى وبلىستىق پد رەسمي وكىلى مەرۋەرت مورياكوۆا.

پوليتسيا “16 جاسقا تولماعان اداممەن جىنىستىق قاتىناسقا ءتۇسۋ” بابى بويىنشا ءىس قوزعاعانىن اتاپ ءوتتى. قىلمىس دالەلدەنسە كۇدىكتى 5 جىلعا دەيىن باس بوستاندىعىنان ايىرىلۋى مۇمكىن.

ەسكە سالساق, بۇعان دەيىن كوكشەتاۋدا ەر ادام 14 جاستاعى قىزدى زورلادى دەگەن كۇدىككە ىلىنگەنى تۋرالى جازعان ەدىك.