جاڭالىقتار
الماتى وبلىسىندا ەكى ادامدى پويىز قاعىپ كەتتى
الماتى وبلىسىندا ەكى ادامدى پويىز قاعىپ كەتىپ, قازا تاپتى, دەپ حابارلايدى Qandastar.kz اقپارات پورتالى.
وقيعا 23 ماۋسىم كۇنى ساعات 19:10 شاماسىندا وتار – الماتى-1 ۋچاسكەسىندە بولعان. اكسەنگەر – بۋرۋنداي ارالىعىندا ەكى ادامنىڭ تەمىرجول ۇستىنە كەنەتتەن شىعىپ كەتۋىنە بايلانىستى ماشينيست شۇعىل تەجەۋ قولدانعان.
«لوكوموتيۆتەن بەرىلگەن دابىلدارعا ولار جاۋاپ قاتپاعان. قاشىقتىقتىڭ تىم جاقىن بولۋىنا بايلانىستى قاعىلۋدىڭ الدىن الۋ مۇمكىن بولمادى», – دەلىنگەن حابارلامادا.
وقيعا تۋرالى الماتى-1 ستانتسياسىنداعى جەلىلىك پوليتسيا بولىمشەسىنە حابارلانعان. قازىر وقيعانىڭ ءمان-جايىن ءتيىستى ورگاندار انىقتاپ جاتىر.
