جاڭالىقتار
الماتى وبلىسىندا قاراۋسىز قالعان عيماراتتان جاڭا تۋعان نارەستەنىڭ دەنەسى تابىلدى
فوتو: Rostov.ru
الماتى وبلىسى ەڭبەكشىقازاق اۋدانى شەلەك اۋىلىندا قاراۋسىز قالعان عيماراتتان جاڭا تۋعان نارەستەنىڭ دەنەسى تابىلدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
الماتى وبلىستىق پوليتسيا دەپارتامەنتى اقپاراتتى راستاپ, اتالعان دەرەك بويىنشا قىلمىستىق ءىس قوزعالعانىن مالىمدەدى.
«جاڭا تۋعان بالاسىن ءولتىردى دەگەن كۇدىكپەن ءسابيدىڭ اناسى ۇستالدى. قازىر كۇدىكتى ايەل اۋرۋحاناعا جاتقىزىلعان. وقيعانىڭ مان-جايىن انىقتاۋ ءۇشىن كەشەندى تەكسەرۋ جۇرگىزىلۋدە», – دەلىنگەن پوليتسيا حابارلاماسىندا.
پوليتسيا قىلمىستىق-پروتسەستىك كودەكسكە سايكەس قىلمىستىق ىسكە قاتىستى وزگە اقپاراتتىڭ جاريالانبايتىنىن اتاپ ءوتتى.
