جاڭالىقتار
الماتى وبلىسىندا كوكتەمدە جوعالىپ كەتكەن ءۇش جاسار قىزدىڭ دەنەسى تابىلدى
فوتو: instagram.com/kopd_mp_rk
الماتى وبلىسىندا ناۋرىز ايىندا جوعالىپ كەتكەن ءۇش جاسار قىز ءولى تابىلدى.
بۇگىن ءتورت اي بۇرىن جوعالىپ كەتكەن ءۇش جاسار قىز ايا-سوفيانىڭ دەنەسى تابىلعانى بەلگىلى بولدى. بۇل تۋرالى ۆولونتەرلەر Instagram پاراقشاسىندا جازدى.
الماتى وبلىستىق پوليتسيا دەپارتامەنتىنىڭ باستىعى باۋىرجان الەنوۆ 22 شىلدە كۇنى ەڭبەكشىقازاق اۋدانىنىڭ پوليتسياسىنا ادام سۇيەكتەرى تابىلعانى تۋرالى حابار تۇسكەنىن مالىمدەدى.
«سوت-مەديتسينالىق جانە گەنەتيكالىق ساراپتامالار تاعايىندالىپ, جاسالىپ جاتىر. كۇدىكتىلەر قاماۋدا وتىر», — دەدى ول.
ەسكە سالايىق, 17 ناۋرىز ساعات 16:00 شاماسىندا الماتى وبلىسى ەڭبەكشىقازاق اۋدانى كۇش اۋىلىندا ءۇش جاسار قىز ۇيىنەن شىعىپ كەتىپ, قايتىپ ورالماعان.
قىزدى ىزدەۋگە تىكۇشاق پەن درون جۇمىلدىرىلدى.
كەيىن الماتى وبلىستىق پوليتسيا دەپارتامەنتى ءىز-ءتۇزسىز جوعالىپ كەتكەن ايا سوفياعا قاتىستى سوتقا دەيىنگى تەرگەۋ باستالعانىن مالىم ەتتى.
