جاڭالىقتار
الماتى وبلىسىندا كولىك جۇرگىزۋشىسى 6 جاسار بالانى قاعىپ, قاشىپ كەتكەن
فوتو: AlmatyNews
جول-كولىك وقيعاسى 4 شىلدە كۇنى اۋىل دۇكەندەرىنىڭ ءبىرىنىڭ ماڭىندا بولعان, دەپ حابارلايدى Qandastar.kz.
الماتى وبلىسىنىڭ كوكوزەك اۋىلىندا Lexus RX 300 جۇرگىزۋشىسى ارتقا قوزعالعان كەزدە ۆەلوسيپەد تەۋىپ جۇرگەن 6 جاسار بالانى قاعىپ كەتكەن. ول جاراقات العان بالانى كورە تۇرا, وقيعا ورنىنان كەتىپ قالدى.
«قازىرگى ۋاقىتتا كۇدىكتىنىڭ ورنالاسقان جەرىن انىقتاپ, ۇستاۋ ماقساتىندا جەدەل-ىزدەستىرۋ شارالارى جۇرگىزىلۋدە. وبلىستىق پوليتسيا دەپارتامەنتىنىڭ بارلىق جەكە قۇرامى باعىتتالدى. جول-كولىك وقيعاسى جانە وقيعا ورنىن تاستاپ كەتۋ فاكتىسى بويىنشا قىلمىستىق ىستەر تىركەلىپ, سوتقا دەيىنگى تەرگەۋ جۇرگىزىلۋدە», – دەپ حابارلادى الماتى وبلىستىق پوليتسيا دەپارتامەنتى.
بالا اۋرۋحاناعا جەتكىزىلدى.
