جاڭالىقتار
الماتى وبلىسىندا وگەي قىزىن زورلادى دەپ ايىپتالعان ەر ادام اقتالىپ شىقتى
فوتو: freepick.com
الماتى وبلىسىندا وگەي قىزىن زورلادى دەپ ايىپتالعان ازامات اقتالىپ شىقتى. بۇل تۋرالى Stan.kz اقپارات اگەنتتىگى استانا ارناسىنا سىلتەمە جاساپ حابارلايدى.
ءىستى پروكۋراتۋرا «قىلمىستىق قۇرام جوق» دەگەن سەبەپپەن توقتاتقان. ايتا كەتەيىك, قىلمىستىق ءىستىڭ انىق-قانىعىنا ەتۋ ءۇشىن 90 پاراقتان تۇراتىن ساراپتاما تاعايىندالعان ەدى. ناتيجەسىندە, كۇدىكتىنىڭ جازىقسىز ەكەنى دالەلدەندى. بىراق الماتى وبلىستىق پوليتسيا دەپارتامەنتى شەشىممەن كەلىسپەي, ەر ادام 1 جىل بويى اباقتىدا وتىردى. قازىر ەر ادام اقتالىپ, بوستاندىققا شىقتى.
“12 اي بويى قىلمىستىق ءىستى اۋرە-سارساڭعا سالىپ, دۇرىس تەرگەمەي جۇرگەن تەرگەۋشىلەردىڭ ىسىنە ىلە اۋدنىنىڭ پروكۋرورى ديدار اسكەربەكوۆ مىرزا جانە دە الماتى وبلىسىنىڭ پروكۋرورى بەرىك اداموۆ مىرزا وزدەرى جەكە ارالاسىپ, قىلمىستىق ءىستى ەگجەي-تەگجەيلى زەرتتەپ, ءبىرىنشى ساراپشىنىڭ ۇستىنە قىلمىستىق ءىستىڭ قوزعالعانى جانە ونىڭ قورىتىندىسى جالعان بوپ شىققانىنا كوزدەرى جەتىپ, قىلمىستىق ءىستى توقتاتىپ, ادامنىڭ كونستيتۋتسيالىق قۇقىعىنىڭ قالپىنا كەلۋىنە كومەك كورسەتتى”, – دەدى زاڭگەر عابيت ومىربەكوۆ.
