Almaty oblysynda polıııa memlekettik rámizderdi qoqysqa tastaǵandardy izdestirip jatyr

Foto: vıdeodan skrın

Almaty oblysynda belgisiz bireýler memlekettik rámizderdi dalaǵa tastaǵan. Qazir polıııa qylmystyq is qozǵap, rámizderdi qorlaǵandardy izdestirip jatyr. Bul týraly qandastar.kz Stan.kz aqparat agenttigine silteme jasap habarlaıdy.

Qoqysta jatqan rámizderdiń vıdeosy áleýmettik jelide taraǵan. Avtordyń sózinshe, vıdeo Talǵar aýdanyndaǵy Erkin aýylynda túsirilgen.

«Sumdyq jaǵdaı, memlekettik rámizder qoqysta shashylyp jatyr. Bul tek zań buzýshylyq emes, elimizge jáne onyń rámizderine kórsetilgen qurmetsizdik. Biz memlekettik organdarǵa júginip, tergeý bastaýyn jáne kinálilerdi anyqtaýyn talap etemiz. Sonymen qatar mundaı jaıt endi qaıtalanbaýy kerek», – dedi avtor.

Jeli qoldanýshylary atalǵan jaıtqa qatysty narazylyqtaryn bildirip, memlekettik rámizderdi joıýdyń arnaıy tártibi baryn alǵa tartty.

Talǵar aýdanynyń ákimdigi qoqys polıgonynyń Qaınar aýyldyq okrýgindegi jekemenshik aýmaqta ornalasqanyn málimdedi. Rámizder búginde qoqystan shyǵarylǵan.

«Jergilikti atqarýshy organ qyzmetkerleri qoqysty tekserdi. Tekseris barysynda memlekettik rámizdermen birge kolledj qujattary tabyldy. Rámizder qoqystan shyǵaryldy. Joıý jumystary memlekettik tý men rámizdi aýystyrý jáne joıý erejesine sáıkes júrgiziledi», – dedi Talǵar aýdanynyń ákimdigi.

Vedomstvo ókilderi memlekettik rámizderdiń Talǵar aýdanyndaǵy mekemelerge tıisti emesin habarlady.

Al polıııa qylmystyq is qozǵap, tekseris júrgizip jatyr.

«Memlekettik rámizderdi qorlaý deregi boıynsha qylmystyq is qozǵaldy. Qazir Talǵar aýdandyq polıııa qyzmetkerleri mán-jaıdy anyqtaý úshin tıisti sharalar qabyldap jatyr. Kinálilerge qatysty tıisti shara qoldanylady», – delingen polıııa habarlamasynda.