Almaty oblysynda respýblıkalyq kúıshiler baıqaýy ótedi

Aıtýly shara Almaty oblysy ákimdiginiń qoldaýymen jáne mádenıet, arhıvter jáne qujattama basqarmasy, oblystyq halyq shyǵarmashylyǵy ortalyǵynyń uıymdastyrýymen ótkizilmek.
Alǵashqy ret uıymdastyrylǵan baıqaý 16 tamyz kúni Qonaev qalasynda ótedi.

Atalmysh baıqaýǵa elimizdiń Almaty,Astana qalalarynan,Batys Qazaqstan, Abaı, Qyzylorda, Jetisý,Qaraǵandy,Almaty oblysynan kelgen 17 daryndy kúıshi baq synaıdy. Eki kezeńnen turatyn saıysta qatysýshylar bılet tańdaý arqyly shyǵarma oryndasa,aqtyq kezeńde jeke daıyndap kelgen týyndylaryn kórermen nazaryna usynady.

“Kúı ónerine jeńil-jelpi adamdar bara almaıdy, júreginiń túgi bar, rýhanı qazynasy mol adam ǵana kúı salasyna qadam basady. Ol úlken qurylymnan turatyn eki shekti dombyra arqyly halyqtyń muńyn,zaryn, qýanyshyn, jetkizetin uly dúnıe. Babalar murasyn dáriptep, dáýirdiń únin dombyramen jetkizip júrgen jas ónerpazdarǵa sáttilik tileımin”-deıdi Almaty oblysynyń mádenıet, arhıvter jáne qujattama basqarmasynyń bólim basshysy Týleýjan Ǵumarov.

Dombyranyń qulaǵynda oınaǵan kúıshilerge Qazaqstanǵa eńbegi sińgen tanymal kúıshi, kompozıtorlary qazylyq etedi. Úmitkerlerdiń ónerin baǵalaý kezinde tóreshiler oryndaýshylyq sheberligine, shyǵarmanyń kúrdeliligine, sahna mádenıeti men ulttyq kıimine basa nazar aýdardy.

Aıta keteıik, 17 tamyz Raıymbek aýdanynda Áıgili kúıshi-kompozıtor Qojeke Nazarulynyń týǵanyna 200 jyl tolýyna arnalǵan halyq ónerin zertteýshi ǵalym Saǵatbek Medeýbekulynyń «Qojekeniń kúı mektebi» atty dáris-konerti ótedi.