الماتى وبلىسىندا سىبايلاس جەمقورلىققا قارسى ونلاين كورمە ءوتتى

الماتى وبلىسىنداعى كوركەمونەر گالەرەياسىنىڭ نەگىزىندە «سىبايلاس جەمقورلىققا جول جوق» تاقىرىبىندا ونلاين كورمە ءوتتى.

كورمەگە جەتىسۋ ولكەسىندەگى ە. ءجۇنىسحان, ە. داۋرەنبانۆ, ب. ادىلبەكوۆا, ا.قاسەن ۇلى, ا.اسقاروۆ سىندى 20-دان استام سۋرەتشىلەردىڭ پلاكاتتىق جۇمىستارى قويىلدى.

ءىس-شارا, عاسىر ىندەتى – سىبايلاس جەمقورلىقتىڭ الدىن-الۋ شارالارىن نىعايتۋ, ەلىمىزدىڭ ءاربىر تۇرعىنىن, پاراساتتى ازاماتتارىن, ءوز مەملەكەتىنە جاۋاپكەرشىلىكپەن قاراۋعا جانە ادىلدەككە باۋلۋ ماقساتىندا ۇيىمداستىرىلدى.

«سىبايلاس جەمقورلىقپەن كۇرەسۋ جولىنداعى پلاكاتتار بايقاۋى جىل سايىن وتكىزىلەدى. الماتى وبلىسىنداعى كاسبي جانە اۋەسقوي سۋرەتشىلەر كورمەگە ءوز جۇمىستارىن ۇسىنىپ وتىرادى. مۇنداعى پلاكاتتاردىڭ تۇگەلى ءبىزدىڭ رەسمي سايتتا جاريالانعان, قىزىعۋشىلىق تانىتقان كورەرمەن الەۋمەتتىك جەلىدەندە باقىلاۋعا مۇمكىندىك الدى. قازىرگى كەزدە شارانىڭ ەكىنشى كەزەڭى وتۋدە»,-دەدى الماتى وبلىسى «كوركەمونەر گالەرەياسى» مكقك-دا ديرەكتورى قايرات قابليسانوۆ.