الماتى وبلىسىندا تىكۇشاقپەن قار كوشكىنى مەن سۋ تاسقىنى ۋچاسكەلەرى انىقتالدى

الماتى وبلىسىندا سۋ باسۋ قاۋپى بار ايماقتاردى اۋەدەن ۆيزۋالدى تەكسەرۋ جۇرگىزىلدى, دەپ حابارلادى توتەنشە جاعدايلار مينيسترلىگى.

اۋەدەن شولۋ ىلە جانە كۇنگەي الاتاۋ جوتالارىنىڭ وزەن الاپتارى بويىمەن تالعار وزەنى الابىنان شەلەك وزەنى الابىنا دەيىن جۇزەگە اسىرىلدى.
«مورەنا كولدەرى قىسقى رەجيمدە تۇر. اقپان جانە ناۋرىز ايلارىنداعى بىرقاتار جەر سىلكىنىسىنىڭ مورەنا كولدەرىنىڭ جاعدايىنا تەرىس اسەر ەتۋ بەلگىلەرى بايقالعان جوق», — دەلىنگەن حابارلامادا.

توتەنشە جاعدايلار مينيسترلىگىنىڭ اقپاراتىنشا, جۇرگىزىلگەن شولۋ كولدەردەگى سۋ دەڭگەيى ماكسيمالدى دەڭگەيدەن ايتارلىقتاي تومەن ەكەنىن كورسەتكەن.

سونىمەن قاتار, ۇشۋ بارىسىندا ايتارلىقتاي كولەمدەگى جاڭا قار كوشكىنى بايقالمادى.
«بيىك تاۋلى ايماقتا جەكەلەگەن قار كوشكىنى ءجۇرۋى مۇمكىن. بۇل ادامدار مەن جابايى جانۋارلاردىڭ كوشكىن قاۋپى بار بەتكەيلەردى كەسىپ جۇرۋىنە بايلانىستى بولادى», — دەپ حابارلادى قۇتقارۋشىلار.

قۇتقارۋشىلار سەل جۇرەتىن وزەندەردىڭ ارنالارى تازا ەكەنىن باسا ايتتى.
تاۋلارداعى ورتاشا بيىكتىكتە قار جامىلعىسى قارقىندى ەرىپ جاتقان جوق, ال بەتكەيلەردە قاردىڭ ايتارلىقتاي قورى بار, دەپ اتاپ ءوتتى ۆەدومستۆوداعىلار.