Almaty oblysynda tikushaqpen qar kóshkini men sý tasqyny ýchaskeleri anyqtaldy

Almaty oblysynda sý basý qaýpi bar aımaqtardy áýeden vızýaldy tekserý júrgizildi, dep habarlady tótenshe jaǵdaılar mınıstrligi.

Áýeden sholý Ile jáne Kúngeı Alataý jotalarynyń ózen alaptary boıymen Talǵar ózeni alabynan Shelek ózeni alabyna deıin júzege asyryldy.
«Morena kólderi qysqy rejımde tur. Aqpan jáne naýryz aılaryndaǵy birqatar jer silkinisiniń morena kólderiniń jaǵdaıyna teris áser etý belgileri baıqalǵan joq», — delingen habarlamada.

Tótenshe jaǵdaılar mınıstrliginiń aqparatynsha, júrgizilgen sholý kólderdegi sý deńgeıi maksımaldy deńgeıden aıtarlyqtaı tómen ekenin kórsetken.

Sonymen qatar, ushý barysynda aıtarlyqtaı kólemdegi jańa qar kóshkini baıqalmady.
«Bıik taýly aımaqta jekelegen qar kóshkini júrýi múmkin. Bul adamdar men jabaıy janýarlardyń kóshkin qaýpi bar betkeılerdi kesip júrýine baılanysty bolady», — dep habarlady qutqarýshylar.

Qutqarýshylar sel júretin ózenderdiń arnalary taza ekenin basa aıtty.
Taýlardaǵy ortasha bıiktikte qar jamylǵysy qarqyndy erip jatqan joq, al betkeılerde qardyń aıtarlyqtaı qory bar, dep atap ótti vedomstvodaǵylar.