Almaty oblysynda jasóspirim qyzdar qurdasyna qysym kórsetip, aqsha bopsalaǵan

Foto: ashyq derekkóz

Almaty oblysynda jasóspirim qyzdar ózderi qatarlas qyzǵa qysym kórsetip, odan aqsha bopsalaǵan. Bul týraly óńirdiń Polıııa departamentiniń bastyǵy Baýyrjan Álenov málimdedi, – dep habarlaıdy Massaget.kz tilshisi.

Qarasaı aýdanynyń polıııa qyzmetkerleri 15 jastaǵy oqýshydan aqsha bopsalaýǵa qatysy bar kámeletke tolmaǵan qyzdardyń ata-analaryn anyqtap, jaýapqa tartty.

«Tergeý barysynda kámeletke tolmaǵan qyzdar qurdasyna psıhologııalyq qysym kórsetip, odan aqsha talap etkeni anyqtaldy. Quqyqbuzýshylardyń jasyn eskere otyryp, polıııa ata-analaryn bala tárbıesi boıynsha mindetterin oryndamaǵany úshin jaýapqa tartý boıynsha jumys júrgizdi», – dep jazylǵan habarlamada.

Bul derek Qarasaı aýdanynyń polıııa basqarmasynda tirkeldi, is materıaldary odan ári qaraý úshin sotqa jóneltildi.