جاڭالىقتار
الماتى وبلىسىندا جىگىتتى كۇشتەپ اسكەرگە اكەتىپ, ارتىنشا پسيحياتريالىق ديسپانسەرگە جاقىندارىنىڭ رۇقساتىنسىز جاتقىزىپ تاستاعان
فوتو: جاقىندارىنىڭ جەكە ءارحيۆى
الماتى وبلىسىندا زاعيپ اناسىن باعىپ جۇرگەن جىگىتتى كۇشتەپ اسكەرگە اكەتىپ, ەكى كۇن اسكەري كوميسسارياتتا ۇستاپ, تاراز بولىمشەسىنە جىبەرگەن, دەپ جازدى qandastar.kz
سوراقىسى, بىرنەشە اپتادان كەيىن جىگىت پسيحياتريالىق ديسپانسەردەن ءبىر-اق شىقتى. بۇل تۋرالى Stan.kz اقپارات اگەنتتىگى حابارلايدى.
ارمانجان ارىقباي كوزى ناشار كورەتىن اناسىن قاراپ جۇرگەن. Orda.kz سايتىنىڭ بەرگەن مالىمەتىنشە, ونى قوناەۆقا كۇشتەپ اپارىپ, كەيىن تارازداعى №5513 اسكەري بولىمىنە جىبەرگەن. بىرنەشە اپتادان كەيىن اتا-اناسىنىڭ كەلىسىمىنسىز, ەشقانداي تۇسىنىكتەمەسىز پسيحياتريالىق ديسپانسەرگە اۋىستىرىلدى.
ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ ءباسپاسوز قىزمەتى جاعدايعا قاتىستى تۇسىنىكتەمە بەردى. سوزدەرىنشە, 17 ماۋسىمدا جىگىتتىڭ تالماسى ۇستاپ, دەرەۋ مەديتسينالىق مەكەمەگە جەتكىزىلگەن.
«ارقاسىن تىك ۇستاي الادى»: ەربايان مۇحتار اسكەردەگى جاراقاتىنان كەيىن ساۋىعىپ كەلەدى
قازاقستاندا ەندى جىگىتتەردى اسكەرگە كوشەدەن الىپ كەتە المايدى: جاڭا زاڭ قابىلداندى
“ساربازدىڭ ايتۋىنشا, ول اسكەرگە شاقىرىلعانعا دەيىن باسىنان جاراقات العان, سودان كەيىن ول وسىنداي جاعدايلاردى مەزگىل-مەزگىل باسىنان وتكەرگەن. قازىر ول الماتىداعى رەسپۋبليكالىق پسيحيكالىق دەنساۋلىق ورتالىعىندا تەكسەرۋدەن ءوتىپ جاتىر. جاعدايى قاناعاتتانارلىق, تەرەڭدەتىلگەن مەديتسينالىق تەكسەرۋدەن ءوتىپ, قاجەت مەديتسينالىق كومەك كورسەتىلىپ جاتىر”, – دەلىنگەن حابارلامادا.
ەسكە سالايىق, بۇعان دەيىن نازارباەۆ ۋنيۆەرسيتەتىنە وقۋعا تۇسكەن جىگىتتى قۇزىرلى ورگان وكىلدەرى اسكەرگە كۇشتەپ الىپ كەتكەنى تۋرالى حابارلاعان ەدىك.
