الماتى وبلىسىنداعى بوگەتتەر نىعايتىلىپ جاتىر

الماتى وبلىسىنداعى ۆوروشيلوۆ سۋ قويماسى بوگەتىنىڭ ءبىر بولىگىن كەشە سۋ ورىپ كەتكەنىن حابارلاعان بولاتىنبىز. قويمادان قاشقان سۋ قاراوي اۋىلىنىڭ ىرگەسىندەگى كولدەردى سۋعا تولتىردى. وندا تۇنىمەن وبلىستىق توتەنشە جاعدايلار دەپارتامەنتىنىڭ جەكە قۇرامى جۇمىس ىستەدى.

وبلىستاعى اسكەري ءبولىم قىزمەتكەرلەرى مەن اۋىل تۇرعىندارى دا كومەككە كەلدى. ولار تاڭعا دەيىن بوگەتتى نىعايتۋ جۇمىستارىن جۇرگىزدى. ويتكەنى قاراوي اۋىلىنىڭ ىرگەسىندەگى كول سۋعا لىق تولدى. دەگەنمەن, توتەنشەلىكتەر اۋىلداردى سۋ باسۋ دەرەگى تىركەلمەگەنىن جانە سۋدىڭ ترانزيتتىك رەجيمدە اعىپ جاتقانىن ايتتى.

«قاراوي اۋلىنداعى كول سۋى قاسكەلەڭ وزەنى ارقىلى قاپشاعاي كولىنە قۇيىلىپ جاتىر. ەندى ءبىر, ءبىر جارىم ساعات شىداپ بەرسە, قاۋىپ سەيىلەدى», – دەيدى ماماندار. ەرسىن جاعىپاروۆ, وبلىستىق تجد توتەنشە جاعدايلاردى جويۋ باسقارماسىنىڭ باستىعى: – قازىرگى تاڭدا بوگەتتىردىڭ بارلىعىن ينەرتتى ماتەريالدارمەن بەكىتىپ, قوسىمشا وزەن كولدەردەگى سۋلاردى اينالمالى ارىق ارقىلى اعىزۋ جۇمىستارى جۇرگىزىلۋدە. قازىرگى كەزدە ەلدى مەكەندەرگە قاۋىپ ءتونىپ تۇر دەپ ايتا المايمىن. سەبەبى سۋدىڭ دەڭگەيى مولشەرىنەن تۇسكەن جوق قازىرگى ۋاقىتتا. اينالمالدىرما ارىق جۇيەسىمەن اعىپ جاتقان سۋىمىزدىڭ مولشەرى تومەن تۇسكەن كەزدە ناقتى جاۋابىن ايتا الامىن. ايسىن ايتمۇراتوۆ, قاراوي اۋىلىنىڭ تۇرعىنى: – سۋ باسىپ قالا ما دەگەن قاتەر بار ەدى. مىنەكي, تجم, ۆوەننىيلار كەلىپ, كومەكتەسىپ جاتىر. قۇدايعا شۇكىر, كىشكەنە اپاتتان قاشقان سياقتىمىز. جەڭىلدەنىپ قالدىق.

ەندى ءسۋدىڭ دەڭگەيى 1-2 ساعاتتا ءتۇسىپ قالار دەپ وتىرمىز. حالىق بولىپ اۋىزبىرشىلىكپەن ءبارىمىز وسىندا ءجۇرمىز.