الماتى وبلىسىنىڭ اكىمى «حۋتور» بانداسىنىڭ جوق ەكەنىن مالىمدەدى

فوتو: Stan.kz

الماتى وبلىسىنىڭ اكىمى مارات سۇلتانعازيەۆ تالعارداعى شەرزات پولاتتىڭ ولىمىنەن كەيىن ءجيى ايتىلعان “حۋتور” بانداسىنىڭ جوق ەكەنىن ايتتى. بۇل تۋرالى qandastar.kz  Stan.kz اقپارات اگەنتتىگى حابارلايدى.

“بۇل جاعداي بارشا ەلدىڭ نازارىن تالعار اۋدانىنا بۇردى. مۇندا 250 مىڭ ادام تۇرادى. تالعار اۋدانى – وبلىستا عانا ەمەس, قازاقستان بويىنشا ەكونوميكالىق تۇرعىدان تەز دامىپ كەلە جاتقان اۋدان. ونەركاسىپ 11%, ينۆەستيتسيا 44% وستى. بيۋدجەت, سالىقتى جيناۋ ءۇش ەسە وسكەن. ايماق قارقىندى دامىپ كەلەدى. ال كريمينالدى جاعداي بويىنشا ايتسام, قۇقىق قورعاۋ ورگاندارى ناقتى جاۋاپ بەردى”, – دەيدى اكىم.

مارات سۇلتانعازيەۆ ۇيىمداسقان قىلمىستىق توپ دەپ تانىلۋ ءۇشىن ناقتى كورسەتكىشتەر بارىن ايتادى.

“توپتىڭ بەلگىلى ماقساتى بولۋى كەرەك. قۇقىق قورعاۋ ورگاندارى مۇنىڭ ەشبىرى جوق ەكەنىن مالىمدەدى. ايماقتىڭ اكىمى, تۋماسى رەتىندە ايتامىن. سوندىقتان “حۋتور” دەگەن ۇيىمداسقان توپتىڭ جوق ەكەنىن مالىمدەيدى”, – دەپ قوستى وبلىس باسشىسى.

ەسكە سالايىق, بۇعان دەيىن ىشكى ىستەر ءمينيسترىنىڭ ورىنباسارى يگور لەپەحا جاقىندا قاماۋعا الىنعان حاسان قاسىمباەۆتىڭ ىسىنە قاتىستى پىكىر بىلدىرگەن. ونىڭ ايتۋىنشا, تەرگەۋشىلەر تالعار اۋدانىنداعى «حۋتور» قىلمىستىق توبىنىڭ بار-جوعىن انىقتاپ جاتقانىن ايتقان ەدى.